Շաբաթ, 22. 06. 2024

spot_img

Արամ Սեփեթճեանի Ծննդեան Տարեդարձին եւ Գործունէութեան Նուիրուած Յոբելենական Հանդիսութիւն

Թէքէեան Մշակութային Միութեան Լիբանանի Տեղական Վարչութեան կազմակերպութեամբ Ուրբաթ 3 Հոկտեմբեր 2014-ի երեկոյեան ժամը 8-ին Պէյրութի Թէքէեան Կեդրոնի Հրաչեայ Սեդրակեան սրահին մէջ տեղի ունեցաւ հանրածանօթ հրապարակագիր՝ Արամ Սեփեթճեանի Ծննդեան Տարեդարձին եւ Գործունէութեան Նուիրուած Յոբելենական երեկոյ մը:

DSC_0110
Հանդիսասրահէն Տեսարան մը

Յոբելենական հանդիսութեան, որ կը վայելէր ԹՄՄ Հիմնադիրներու Մարմնի հովանաւորութիւնը, Մեծի Տանն Կիլիկիոյ Արամ Ա. Վեհափառ Կաթողիկոսին ներկայացուց Լիբանանի Հայոց Թեմի Բարեջան Առաջնորդ Գերշ. Շահէ Արք. Փանոսեանը: Ամենապատիւ եւ Գերերջանիկ Ներսէս Պետրոս 19-րդ Կաթողիկէ  Հայոց Պատրիարքին ներկայացուց Զմմառու Վանքի մեծաւոր՝ Գերապայծառ Հայր Գաբրիէլ Եպս. Մուրատեան: Ձեռնարկին՝ ՀՀ Լիբանանի մօտ դեսպանութիւնը ներկայացուց ՀՀ Հիւպատոս Պրն. Աշոտ Վարդանեան: Հանդիսութիւնը իրենց ներկայութեամբ պատուեցին ՌԱԿ Կեդրոնական Վարչութեան եւ ԹՄՄ Հիմնադիրներու Մարմնի անդամներ, ՌԱԿ Լիբանանի Շրջանային Վարչութեան ատենապետ ընկ. Միքայէլ Վայէճեան եւ Վարչութեան անդամներ, ՀԵԸ Լիբանանի Կեդրոնական Վարչութեան ատենապետ Պրն. Վիգէն Չերչեան, ՀՀ դեսպանատան կցորդներ, Յոբելեարին ընտանեկան պարագաները, գաղափարի եւ գրչի ընկերները եւ մշակութասէր հանրութիւն մը:

Հանդիսութեան սկիզբը, Արամ Սեփեթճեանի հրապարագրութեան հիմնական ուղղութիւնները ներկայացուց, ԹՄՄ Լիբանանի Տեղական Վարչութեան ատենապետ՝ Տիկ. Անի Թորանեան-Գրիգորեան:

Յոբելեարին գրական-գեղարուեստական ստեղծագործութեան արժեւորումը ըրաւ Հայոց Լեզուի եւ Գրականութեան վաստակաշատ ուսուցչուհի՝ Տիկ. Անժէլ Միսիսեան:

Հանդիսութեան ներկաներուն հրամցուեցաւ կոկիկ գեղարուեստական յայտագրին իրենց մասնակցութիւնը բերին թենոր Կարօ Քէլէշեան եւ դաշնակարուհիներ Նանոր Մաճարեան եւ Ժաննա Սահակեան:

Իր կարգին ՀԲԸՄ-ի «ԽՕՍՆԱԿ» պարբերականի գլխաւոր խմբագիր ընկ. Համբիկ Մարտիրոսեան մեծարեալը ներկայացուց «ԽՕՍՆԱԿ» պարբերականի ընդմէջէն:

Գերշ. Շահէ Արք. Փանոսեան Արամ Ա. Վեհափառի Օրհնութեան Գիրի ընթերցման պահուն
Գերշ. Շահէ Արք. Փանոսեան Արամ Ա. Վեհափառի Օրհնութեան Գիրի ընթերցման պահուն

Հանդիսութեան աւարտին Յոբելեարը ստացաւ ԱՐԱՄ Ա. Վեհափառի շնորհած Օրհնութեան Գիրն ու Մեսրոպ ՄԱշտոցի շքանաշանը ձեռամբԼիբանանի Հայոց Թեմի Բարեջան Առաջնորդ Գերշ. Շահէ Արք. Փանոսեանի: ԹՄՄ Հիմնադիրներու Մարմնի յուշանուէրը Յոբելեարին յանձնեց ընկ. Հրայր Հովիւեան, որմէ ետք ընկեր Սեփեթճեան իր զգացական սրտի խօսքը փոխանցեց ներկաներուն, շնորհակալութեան խօսքեր ուղղելով բոլորին, որոնց կարգին նաեւ ՀՀ Սփիւռքի ու Լիբանանի Մշակոյթի նախարարներուն, որոնք այս առիթով իրենց շնորհաւորական գիրեր յղած էին իրեն:

DSC_0238
Աւանդական Գինեձօնի Պահուն

Ձեռնարկը եզրափակուեցաւ Յոբելեարին նորագոյն ստեղծագործութեան գինեձօնով:

Արտասանուած խօսքերն ու այլ մանրամասնութիւններ շուտով:

ԹՄՄ Լիբանանի Տեղական Վարչութեան անդամները Յոբելեարին եւ իր կողակիցին շուրջ: Ձախէն՝ Լենա Պասմաճեան, Անի Թորանեան (ատենապետ), Տոքթ. Յակոբ Փափազեան, Յոբելեարը, Տիկ. Սեփեթճեան, Անի Պոտրումեան, Ճէքի Տէրվիշեան
ԹՄՄ Լիբանանի Տեղական Վարչութեան անդամները Յոբելեարին եւ իր կողակիցին շուրջ: Ձախէն՝ Լենա Պասմաճեան, Անի Թորանեան (ատենապետ), Տոքթ. Յակոբ Փափազեան, Յոբելեարը, Տիկ. Սեփեթճեան, Անի Պոտրումեան, Ճէքի Տէրվիշեան

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին