Սեպտեմբերի 7-ին, յետ միջօրէի ժամը 12:30-ին, նախօրօք առնուած ժամադրութեան համաձայն, Թեմիս Բարեխնամ Առաջնորդ՝ Գերա-շնորհ Տ. Աւագ Արքեպս. Ասատուրեան, ուղեկից ունենալով Արժ. Տ. Մեսրոպ քհնյ. Գաբրիէլեան՝ Հոգևոր Հովիւ Մէյտանի Ս. Աստուածածին Եկեղեցւոյ, Պրն. Մելքոն Մելքոնեան՝ Ատենապետ Թեմական Խորհուրդի և անդամք՝ պարոնայք Գէորգ Գատոյեան և Գրիգոր Տէր Յակոբեան՝ ընդհանուր տնօրէն Իրաքի նախագահական գրասենեակին մէջ, այցելութիւն տուին վսեմաշուք Նախագահ Տիար Տօքթ. Ֆուատ Մա’սում-ին նախագահութեան պալատին մէջ:
Սրբազան Հայրը խօսքը առաւ յայտնելով իր և պատուիրակութեան շնոր-հաւորանքները Նորին Վսեմութեան ընտրութեան առիթով որպէս Իրաքի նոր-ընտիր նախագահ:
Իր ընթերցած գիրին մէջ Առաջնորդ Սրբազան Հայրը անդրադարձաւ երեք հիմնական կէտերու.-
1- Իրաքի Հիւսիսային շրջանի մէջ ԻԼԻՊ-ի յառաջացուցած ճգնաժամային կացութեան պատճառով տեղի ունեցաւ Քրիստոնէութեան վտառում Մուսուլ քաղաքէն և Նինուէի հարթավայրէն՝ աւելի քան 160,000 անձինք, մէջը ըլլալով 433 հայ ընտանիքներ, ինչպէս նաև 4000 Եզիտներու կոտորածի մասին:
Առաջնորդ Սրբազան Հայրը անհրաժեշտ նկատեց նախագահին յայտնելու տիրող աղէտի ահաւորութեան մասին հայցելով պետական օժանդակութիւն անտուն և կարօտեալ ընտանեաց համար, ինչ որ արդէն ընթացքի մէջ է: (Ի դէպ, անցեալ երկու ամիսներու ընթացքին Աւագ Սրբազանը և թէ Թեմական Խորհուրդի նախկին և այժմու ատենապետները երեք տարբեր առիթներով այցելեցին անտուն ու թափառական հայութեան ցուցաբերելով նիւթականի և սննդամթերքի օժանդա-կութիւններ):
2- Առաջնորդարանի պատուիրակութիւնը խնդրեց նախագահի միջամտութիւնը Իրաքի Խորհրդարանի մէջ Հայ անդամի մը ընտրութիւնը կոտայ-ի սկզբունքի հա-մաձայն, ինչպէս է պարագան Քիւրտստանի ինքնավար մարզի խորհրդարանին համար:
3- Առ ի գիտութիւն վսեմաշուք նախագահին Սրբազան Հայրը նաև անդրա-դարձաւ որ յաջորդ տարի Հայ ժողովուրդը ամէնուր, ինչպէս նաև Իրաքի տարածքին վրայ, ուր որ Հայերը Եկեղեցիներ ու համայնքներ ունին, համատարած կեր-պով պիտի նշեն Հայոց Ցեղասպանութեան 100-ամեակը:
Յետ Սրբազան Հօր գիրի ընթերցման, տեղի ունեցաւ մտերմիկ զրոյց Հայ համայնքի համար կարևոր հարցերու մասին, որուն յաջորդեց շինիչ գաղափար-ներու փոխանակութիւն:
Հրաժեշտ առնելէ առաջ Առաջնորդ Սրբազանը Իրաքի Նախագահին յանձնեց «Էջմիածին Գանձեր»բարձրորակ նկարազարդ ալպոմը որպէս յուշանուէր:
Հայոց Առաջնորդարանի պատուիրակութիւնը դարձեալ շնորհակալութիւն յայտնելով Նորին Վսեմութեան մաղթեց ամենայն բարիք ու գործոց յաջողութիւն Իրաքի յառաջացման համար և բաժնուեցաւ լաւագոյն տպաւորութիւններով:
