Երեքշաբթի, 25. 06. 2024

spot_img

Վարդն Առանց Փուշի

Ժան Վարդան (Յովհաննէս Էքմէքճեան)
Ժան Վարդան (Յովհաննէս Էքմէքճեան)

Վարդն Առանց Փուշի

Սիրուն վարդը փուշի կողքին,
Չունէր հանգիստ ու դադար.
Կ’ուզէր ըլլալ ան առանձին,
Որ զինք քաղեն դիւրաբար:
-Հերի՛ք է ալ, լքէ՛ դուն զիս,
Բա՛ւ է որքան արիւնես.
Սիրողներս իմին չորսդիս,
Կը բաւէ՛ ալ չարչարես:

Փուշը ժպտաց ու դառնացած,
Դարձաւ վարդին ու ըսաւ.
– Անփորձ վարդս՝ կեանքի ընկեր,
Սիրողներդ դուն չես գիտեր.
Իմ պատճառով անոնք քեզի,
Արիւն տուին որ հասան.
Առանց ինծի շատ դիւրին ես,
Հետեւաբար շատ աժան:

Ժան Վարդան 
Հալէպ 2003

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին