Երկուշաբթի, 20. 05. 2024

spot_img

Սեպտեմբեր 7-ին Պատարագ Պիտի Մատուցուի Աղթամարի Ս. Խաչ Եկեղեցւոյ Մէջ

Արդէն հինգերորդ տարին է, որ  Աղթամարի Ս. Խաչ եկեղեցւոյ մէջ պատարագ տեղի պիտի ունենայ:  Ինչպէս կը հաղորդէ թրքական haberler.com կայքէջը` պատարագը նախատեսուած է Սեպտեմբեր 7-ին:

Վանի մշակոկյթի եւ զբօսաշրջութեան նահանգային վարչութեան տնօրէն Մուզաֆեր Աքթուղը տեղեկացուցած է, թէ Պոլսոյ Հայոց պատրիարքարանի կողմէ պատարագին մասնակցելիք ներկայացուած ցուցակին մէջ ներառնուած են տիեզերական Պարթոլոմէոս պատրիարքը, ասորիներու ուղղափառ եկեղեցւոյ առաջնորդ եւ պատրիարքական փոխանորդ Ֆիլուսկինոս Եուսուֆ Չեթինը, իսկ հայկական կողմէ Պոլսոյ հայոց պատրիարքական փոխանորդ Արամ արք. Աթէշեանը եւ ԱՄՆ Հայ առաքելական եկեղեցւոյ արեւելեան թեմի առաջնորդ Խաժակ արք. Պարսամեանը:

Յիշեցնենք, որ Վանի Ս. Խաչ եկեղեցին միակն է Պատմական Հայաստանի տարածքէն ներս, ուր վերանորոգումներէն մէկ տարի յետոյ, գմբեթին վրայ խաչ բարձրացաւ: Թուրքիոյ մշակոյթի եւ զբօսաշրջութեան նախարարութեան ընդունած որոշման համաձայն, թոյլատրուած է տարին անգամ մը կրօնական ծիսակատարութեան կատարումը:

www.haberler.com

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին