«Այսօր դժուար է ըսել, թէ եր՞բ եւ ին՞չ որոշում կը կայացնէ Թուրքիոյ նախագահ Էրտողանը յառաջիկայ տարի 24 Ապրիլին Երեւան այցելութեան մասին». սոյն յայտարարութիւնը կատարեց Հայաստանի արտաքին գործոց նախարար Էտուարտ Նալպանտեան, աւելցնելով.« Տակաւին բաւական ժամանակ կայ: Դուք գիտէք, որ երբ Հայաստանի նախագահին կողմէ Թուրքիոյ նախկին նախագահը ֆութպոլային խաղին հրաւիրուեցաւ, հրաւէրը ուղարկուած էր Մայիսին: Պատասխանը եկաւ Սեպտեմբերին, այսինքն՝ չորս ամիս անցած էր եւ պատասխանը եկաւ ֆութպոլի մրցումէն երկու օր առաջ: Որոշումը իրենց կողմէ եր՞բ կ’ընդունուի, դժուար է ըսել, ինչ պիտի ըլլայ որոշումը, այդ մէկը թուրքերը պիտի ըսեն». յայտնեց Նալպանտեան:
