Օգոստոս 29-ին, ժամը 20.00-ին Արամ Խաչատրեանի անուան մեծ համերգասրահին մէջ` ՀՀ սփիւռքի նախարարութեան, ՀՀ մշակոյթի նախարարութեան աջակցութեամբ, ՀԲԸՄ հովանաւորութեամբ տեղի ունենաց է«Երգում է 70-ականների Երեւանը եւ Հալէպը» խորագրով բարեգործական համերգ: Այս մասին կը հաղորդէ ՀՀ սփիւռքի նախարարութեան մամուլի ծառայութիւնը:
Համերգէն ստացուած ողջ հասոյթը պիտի ուղղուի սուրիահայերու կարիքներու ապահովման:
Համերգը վարած են Սուսաննա Շահինեանը եւ Ժան Վարդանը: Գեղարուեստական ղեկավարութեամբ Վազգէն Ասատրեանի:
Ելոյթ ունեցած են սուրիահայ արուեստագէտներ Կարօ Տաղտեւիրենեանը, Ռենա Տին, Ժան Վարդանը, Յովիկ Կարապետեանը, Լիլա Վարդանեան-Պօղոսեանը, Սարգիս Մաթոսեանը, եւ Հայաստանէն` Էմմին, Վահագն Հայրապետեանը, Արամոն, Գայիանէ Յովհաննիսեանը, Ռադիկ Գաբրելեանը, Ռուբէն Ամիրբեկեանը, Արման Ջալալեանը, Կարօ Սարաֆեանը, Արամ Կարապետեանը, Լէոնիդ Դաւթեանը, Սամսոն Աբգարեանը, Սամուէլ Մկրտչեանը, Երուանդ Սարգսեանը, Տմիթրի Արզումանեանը, Իշխան Յարութիւնեանը, Վահրամ Դաւթեանը: Նուագակցած է «70-ականների Երեւան» նուագախումբը, որուն երաժիշտներու հիմնական մասը Կոնստանթին Օրբէլեանի` Հայաստանի պետական էստրադային նուագախումբի անդամներն են:
Հայաստանցի եւ սուրիահայ երգիչներու մասնակցութեամբ համերգը Հայաստանի մէջ սուրիահայերու ընդելուզման հերթական քայլն է եւ ապացոյցը, որ մշակոյթը ազգի համախմբան կարեւորագոյն միջոցներէն է:
