Այս օրերուն ճանաչողական այցելութեամբ Արցախ կը գտնուին խումբ մը ռուս լրագրողներ եւ փորձագէտներ: Սակայն անոնց Արցախէն հեռանալէն ետք բացայայտուեցաւ, որ ռուս հիւրերը ներառուած են Ատրպէյճանի արտաքին գործոց նախարարութեան «սեւ ցանկ»ին վրայ։ Խումբին անդամները այս մասին գրած են Դիմատետրի իրենց էջին վրայ։
Լրագրող Անասթասիա Քարիմովան գրած է. «Կ՛արժէր Լեռնային Ղարաբաղ այցելել, թէկուզ Ատրպէյճանի արտաքին գործոց նախարարութեան «սեւ ցանկ»ին վրայ յայտնուելու գնով: Մինչ այդ, ես չէի կրնար ենթադրել, որ ԱՊՀ տարածքին, յատկապէս Կովկասի մէջ, այդ ալ՝ չճանչցուած հանրապետութեան մէջ կարելի է նմանատիպ որակեալ ենթակառուցուածքներ… այդպիսի քաղաքական մրցակցութեան բարձր մակարդակ եւ պետական կառավարման թափանցիկութիւն… Ղարաբաղեան պարագան ինծի համար աւելի հետաքրքրական կը թուի, քան այդքան ծանուցուած «Վրացական հրաշքը»:
Ատրպէյճանական «սեւ ցանկ»ին վրայ յայտնուած են նաեւ լրագրողներ Ալեքսանտր Շմելեւ, Տմիթրի Պաւիրին, Մարինա Սքորիքովա եւ Սվեթլանա Շմելեւա:
www.armenpress.am
