Ատրպէյճանական աղբիւրները, երկրի ՊՆ-ի հաղորդագրութեան յղումով կը յայտնեն վերջերս գերի ինկած Կարէն Պետրոսեանի մահուան մասին։
Չինարի գիւղէն 31-ամեայ Կարէն Պետրոսեանը, ըստ ատրպէյճանցիներու, մահացած է սիրտանօթային սուր անբաւարարութեան հետեւանքով։ Անոր մահուան մասին տեղեակ պահուած է Պաքուի մէջ Կարմիր խաչի ներկայացուցչութեան։
Հակառակ անոր, որ ատրպէյճանցիները կը յայտնեն յանկարծակի մահուան մասին, սակայն անոնց տարածած տեսանիւթերու մէջ արդէն կ’երեւէր, որ Պետրոսեանի դէմքը ամբողջութեամբ այտուցուած է եւ դժուար կը քալէ։
