ՄԱԿ-ի զարգացման ծրագրի համապատասխան բյուրոն շատ երկրների օգնում է ռիսկերի նվազեցման գործում, սակայն Հայաստանը շատ օգնության կարիք չունի: «Արմենպրես»–ի հաղորդմամբ՝ հոկտեմբերի 11-ին «Դիմակայունություն հանուն կայուն զարգացման» միջազգային համաժողովին լրագրողների հետ ճեպազրույցում նման կարծիք հայտնեց ՄԱԿ-ի կլիմայի, աղետների,  էներգիայի,  քաղաքականության ևծրագրայինաջակցության բյուրոյիմասնագիտական խմբի ղեկավար Ջո Շոուերը:

«Հայաստանը գտնվում է առաջատար դիրքերում, այստեղ մեծ ջանքեր են գործադրվում աղետների և ռիսկերի  նվազեցման ուղղությամբ: Մենք նույնիսկ կարող ենք ընդօրինակել Հայաստանի օգտակար փորձը»,-ասաց Շոուերը:

2015-ին շատ երկներ մշակել են կայուն զարգացման նպատակներ: Շոուերի կարծիքով, եթե երկրները կարողանան այդ նպատակներն իրականացնել, ապա կարող ենք շատ երկրներ ապահովագրել նաև գլոբալ տաքացումից: Գլոբալ տաքացումից խուսափելու համար պետք է հաշվի առնել, որ աշխարհում տեղի ունեցող աղետների մոտ 80 տոկոսը բնական ծագում ունեն:  Անհրաժեշտ է կառավարել մեր վնասակար ազդեցությունը:

Տարբեր տեսակի աղետները խոչընդոտում են զարգացմանը, զգալի վնաս հասցնում տնտեսությանը: Դրանք բնական երևույթներ են, սակայն պետք է փորձել կանխել այդ վտանգները և հնարավորինս նվազեցնել դրանցից առաջացող կորուստները: «Կանխման  ուղղությամբ իրականացվող քայլերից առաջինը ռիսկերի գնահատումն է: Պետք է հասկանալ՝ տարածքը, որտեղ ապրում ենք, ինչ ռիսկերի է ենթակա: Եվ, եթե պատրաստվում ենք ներդրում կատարել  գյուղատնտեսության ոլորտում՝ իմանալով, որ առկա է երաշտի և սողանքի վտանգ, նախ անհրաժեշտ է նվազեցնել այդ ռիսկը և ապահովել մեր ներդրումների արդյունավետությունը»,-եզրափակեց Ջո Շոուերը:

 Այս տարի գյուղատնտեսության նախարարությունը խաղողի մթերման հետ կապված խնդիրներ չունի:

«Արմենպրես»–ի հաղորդմամբ, այս մասին լրագրողների հետ հանդիպմանն ասաց ՀՀ գյուղատնտեսության նախարար  Իգնատի Առաքելյանը: Նրա խոսքով` նախորդ տարիներից դեռ մնացած խնդիրներ կան, որոնց լուծումը նախարարությունը փորձում է տալ հնարավորության սահմաններում: «Այս տարի ամեն ինչ ըստ պայմանագրերի է ընթանում: Մթերողների հետ պայմանավորվել ենք, եւ նրանք կարող են 3-տոկոսանոց վարկերից օգտվել` գյուղացիների գումարը ժամանակին վճարելու համար»,-ասաց նա:

Նախարարը տեղեկացրեց, որ պատրաստվում  է եւ շուտով քննարկման կդրվի  գյուղատնտեսության մասին օրենքը: «Այս օրենքի մեջ մենք ցանկանում ենք նախանշել այն բոլոր հարցերը, որոնք այսօր կան գյուղատնտեսության ոլորտում` տնտեսությունների համար  համապատասխան պետական աջակցության ծրագրեր կազմելու համար»,-ասաց նա:

Անդրադառնալով Գյուղատնտեսության նախարարության կողմից  2007 թվականից ի վեր իրականացվող տավարաբուծության զարգացման ծրագրին՝ նախարար Առաքելյանն ընդգծեց, որ ծրագրում փոփոխություններ են կատարվել եւ եթե նախկինում եվրոպական երկրներից ներկրվել են համաշխարհային ճանաչում ունեցող դասական կաթնատու և կաթնամսատու ցեղեր, տոհմային երինջներ, որոնք հանձնվել են ֆերմերներին, ապա այս տարվանից , ըստ ծրագրում կատարված փոփոխության, նախատեսվում է վերականգնել կովերի արհեստական սերմնավորման գործընթացը, կազմակերպել սերմնահեղուկի տեղական արտադրությունը, ներդնել սաղմերի փոխպատվաստման տեխնոլոգիան, ինչը հնարավորություն կընձեռի մեր երկրում կազմակերպել բարձրարժեք երինջների աճեցումը և դրանցով համալրել տավարի նախիրները: «2017-2018 թվականների համար ֆերմերներին տրամադրելու ենք 250 գլուխ երինջ»,-հավելեց նախարարը:

«Ուսուցչի օրվա» կապակցությամբ հանրապետության մի շարք մանկավարժներ պարգևատրվեցին ՀՀ կրթության և գիտության նախարարության կողմից։ 
«Արմենպրես»–ի հաղորդմամբ՝ ՀՀ կրթության և գիտության փոխնախարար Մանուկ Մկրտչյանը «Ուսուցչի օրվա» կապակցությամբ կազմակերպված միջոցառման ժամանակ ասաց, որ հասարակության կատարելության չափանիշը ուսուցչի վարկանիշն է։  
«Այն հասարակությունը, որտեղ ուսուցիչը համարվում է վերին դասի անձ, որ տվյալ հասարակությունը հասել է իր կատարյալ աստիճանին»,- նշեց Մանուկ Մկրտչյանը։ 
Հայաստանի Հանրապետության տարբեր մարզերի մի շարք ուսուցիչներ, դաստիարակներ և դպրոցների տնօրեններ, ովքեր նաև մասնակցել են 2017 թվականին «Տարվա լավագույն ուսուցիչ» մրցույթին, մատաղ սերնդի կրթության, դաստիարակության ոլորտում ներդրած ավանդի համար պարգևատրվել են ՀՀ ԿԳՆ շնորհակալագրերով։ 
Պարգևատրվածներից մեկը՝ Երևանի Հակոբ Կարապենցի անվան թիվ 6 հիմնական դպրոցի հայոց պատմության  և եկեղեցու պատմության ուսուցիչ Սուսաննա Հարությունյանն ընդգծեց, որ շատ սիրով է անցկացնում իր դասերը և շատ է սիրում իր սաներին։ 
«Ես 1979 թվականից դասավանդում եմ՝ արդեն 38 տարի։ Ես իմ աշակերտներին եմ սիրում, նրանք էլ ինձ։ Երեխաները շատ հաճույքով սովորում են հայոց պատմությունը, ինչպես նաև եկեղեցու պատմությունը։ Ես էլ աշխատում եմ, որքան հնարավոր է նրանց մեջ սեր «ներարկել» դեպի մեր պատմությունը։ 
Երևանի «Ուսում» դպրոցի անգլերենի  ուսուցիչ Մարիամ Ղարաղազարյանը, ով արդեն 12 տարվա մանկավարժական փորձ ունի, ՀՀ ԿԳ նախարարությունից ստացավ պատվոգիր։ 
Նա ասաց, որ իր մասնագիտությունը շատ է սիրում և դրա շնորհիվ աշակերտներն էլ փոխադարձ վերաբերմունք են ցուցաբերում իր և առարկայի նկատմամբ։ 
«Համոզված կարող եմ ասել, որ սիրում են անգլերեն լեզուն և հաճույքով ու ակտիվ մասնակցում են դասերին։ Ես փորձում եմ անել ամեն ինչ, որպեսզի նրանք համապատասխան գիտելիքներ ստանան և լավ մարդ դառնան»,- նշեց անգլերենի ուսուցչուհին։ 
ՀՀ կրթության և գիտության նախարարի հրամանով մատաղ սերնդի կրթության, դաստիարակության ոլորտում ներդրած ավանդի համար մի խումբ ուսուցիչներ, դպրոցների տնօրեններ և դաստիարակներ պարգևատրվեցին ՀՀ ԿԳՆ բարձրագույն պարգևներով՝ ոսկե հուշամեդալներով: Պարգևատրվածների թվում են Երևանի թիվ 51 միջնակարգ դպրոցի անգլերենի ուսուցիչ Հասմիկ Օհանյանը և Երևանի Կոմիտասի անվան կոնսերվատորիայի ուսումնական մասի վարիչ, երաժշտության պատմության դասախոս Նոնա Ոսկանյանը։ 

Այսուհետ արտաքին տնտեսական գործունեություն իրականացնող տնտեսավարողները որևէ պետական մարմնին որևէ տեղեկատվություն տրամադրելուց հետո այլևս պարտավոր չեն լինի այլ պետական մարմնի տրամադրել նույն տեղեկատվությունը: Գործընթացը հնարավոր է դարձել «ՀՀ արտաքին առևտրի ազգային մեկ պատուհան» հարթակի կատարելագործման միջոցով: Այս մասին «Արմենպրես»-ի փոխանցմամբ լրագրողներին հայտնեց ՀՀ ԿԱ ՊԵԿ տեղեկատվական տեխնոլոգիաների վարչության պետ Միքայել Փաշայանը: «Եթե ներմուծողը կամ արտահանողը մաքսային մարմնին ներկայացրել է բեռնամաքսային հայտարարագիր, որտեղ մանրամասն նշված է ապրանքի տեսակը, քաշը, նկարագրությունը, և տնտեսավարող սուբյեկտն այլ պետական մարմնից պետք է ստանա հավաստագիր, նշված տեղեկատվությունը այլևս պարտավոր չէ կրկին ներկայացնել: ՊԵԿ-ն արդեն իսկ տրամադրում է գերատեսչություններին այդ տեղեկատվությունը, ու նրանք իրենց գործառույթները կատարում են մեկ կետում ստացված տեղեկատվության հիման վրա»,-ասաց Միքայել Փաշայանը:

Մեկ հարթակում (trade.gov.am) է հավաքվել ոչ միայն էլեկտրոնային մաքսային համակարգը, այլև մյուս գերատեսչությունների տրամադրած հավաստագրերը, անհրաժեշտ այլ փաստաթղթերը: Այս հարթակում ներդրված է արդեն 20 համակարգ, ինչպես օրինակ, առողջապահության նախարարության հավաստագիրը, սննդամթերքի անվտանգության պետական ծառայության հավաստագիրը, ռադիոհաճախականության սարքավորումների ներմուծման արտոնագրերի տրամադրման համակարգը և այլն:

Նրա տեղեկացմամբ` այս հարթակի շնորհիվ տնտեսավարողները կարող են տեղեկանալ իրենց գործերի ընթացքից` տեսնելով փաստաթղթերի շարժը:

Փաշայանը նկատեց, որ այս քայլերն ուղղված են յուրաքանչյուր տնտեսավարողի համար աշխատանքային կանխատեսելի միջավայր ստեղծելուն, ռեսուրսների խնայողությանն ու ավելորդ քաշքշուկներից ազատվելուն: «Մեր գերնպատակն է, որ տնտեսավարողների ժամանակի, ֆինանսական ու մարդկային ռեսուրսների ծախսը նվազեցվի այնքանով, որ արտահանողը կենտրոնանա արտահանման խթանման, ներմուծողը բիզնեսի կազմակերպման վրա»,-հավելեց Միքայել Փաշայանը: Նրա հավաստմամբ`այս բարեփոխումներով հնարավոր է դարձել կրճատել մաքսային ծառայությունների տրամադրման ժամանակահատվածը մի քանի անգամ:

«Դիմակայունություն հանուն կայուն զարգացման» միջազգային համաժողովը կխթանի աղետների և ռիսկերի նվազեցման ոլորտում երկրների համագործակցության ընդլայնումը:

«Արմենպրես»–ի հաղորդմամբ՝ հոկտեմբերի 11-ին աղետների  և ռիսկերի նվազեցման միջազգային օրվան ընդառաջ նվիրված եռօրյա համաժողովի բացմանը նման կարծիք հայտնեց ՀՀ ԱԻ նախարարԴավիթ Տոնոյանը:

«Հայաստանը տարածաշրջանում գնահատվում է  որպես առավել աղետավտանգ երկիր: Աշխարհում ընթացող զարգացման գործընթացները և դրանց արագությունը շարունակաբար մեծացնում են խոցելիությունը տարբեր տեսակի բնական և տեխնածին աղետների նկատմամբ՝ ավելացնելով ռիսկերը:  Այս համաժողովը հնարավորություն է ստեղծելու տարբեր երկրների գործընկերների միջև համագործակցության ընդլայնմանը: Այս պայմաններում կառավարությունը, խորհրդարանը, մասնավոր հատվածները պետք է միավորեն իրենց ջանքերը՝ ռիսկերի նվազեցման ոլորտում խնդիրների համակարգման և փոխօգնության մեխանիզմների ձևավորման համար»,-ասաց Տոնոյանը:

Մեքսիկայում մայիսին կայացած աղետների և ռիսկերի նվազեցման գլոբալ պլատֆորմի շրջանակում Հայաստանը հանդես էր եկել առաջարկությամբ՝ տարածաշրջանում ձևավորելու համագործակցային պլատֆորմ: Եվ այս համաժողովն այդ գործընթացի առաջին քայլն է: Համաժողովի շրջանակում կազմվելու է առաջարկությունների փաթեթ, որի վերաբերյալ ՀՀ ազգային ժողովում կկազմակերպվեն լսումներ: Ինչպես նշեց նախարարը՝ առաջարկություններից կլինի շինարարական ստանդարտների բարելավումը և փոփոխումը:

Համաժողովը շարունակվելու է ՀՀ ազգային ժողովում՝ թեմատիկ, խորհրդարանական լսումների անցկացմամբ:  «Խորհրդարանը և պատգամավորները կարող են նշանակալիորեն արագացնել դիմակայության մշակույթի ներդրումը: Այս հարթակը խթան կհանդիսանա կայուն զարգացման ծրագրերի արդյունավետ իրականացման համար՝ ընդգրկելով փորձի փոխանակման և տարածաշրջանային համագործակցության լայն աշխարհագրություն»,-ասաց նախարարը:

Կօգտագործվի նաև ԱԺ-ի պլատֆորմը՝ ցույց տալու, որ Հայաստանը ոչ միայն սպառողի դերում է լինելու աղետների դեպքում, այլ նաև օգտագործվելու է մեր փորձը:

ՀՀ բնապահպանության նախարար Արծվիկ Մինասյանի կարծիքով՝ համաժողովը հիանալի հնարավորություն է Եվրոպայի և ԵՊՀ տարածաշրջանի բոլոր մասնակիցներին ներկայացնելու աղետների և ռիսկերի նվազեցմանն ուղղված ազգային քաղաքականությունները, թերությունները: «Տարածաշրջանում աղետների ռիսկի մեծացմանը նպաստում են երկու կարևոր գործոններ՝ կլիմայի փոփոխությունը և չկառավարվող ուրբանիզացիան:  Հայաստանը բնորոշվում է  կլիմայի չորայնությամբ, հաճախակի նկատվող տարերային աղետներով»,-ասաց նախարարն ու ներկայացրեց ռիսկերի նվազեցմանն ուղղված քայլերը Հայաստանում:

ՄԱԶԾ մշտական ներկայացուցիչ Բրեդլի Բուզետոյը նույնպես կարծում է, որ  համաժողովը կօգնի հետագա համագործակցության ընդլայնմանը: «Մենք շատ հպարտ ենք, որ վերջին 10 տարում աշխատել ենք ստեղծելու ուժեղ դիմակայունություն Հայաստանում : Եվ Հայաստանը մեծ աճ է արձանագրել այս ոլորտում»,-եզրափակեց նա: