ՀՀ մշակույթի նախարար Արմեն Ամիրյանն արձագանքել է Վահան Արծրունու չկայացած համերգի շուրջ մեկնաբանություններին: ՀՀ մշակույթի նախարարությունից «Արմենպրես»–ին տրամադրած՝ նախարար Արմեն Ամիրյանի հայտարարությունը ներկայացնում ենք ամբողջությամբ:

 «Վահան Արծրունու չկայացած համերգի շուրջ մեկնաբանությունները վերջին օրերին  անցել են վիրավորանքի  բոլոր  սահմանները,  ուստի հարկ եմ համարում մեկ անգամ ևս հրապարակավ  բարձրաձայնել , որ ո՛չ  Մշակույթի  նախարարությունը, ո՛չ էլնախարարության համապատասխան ՊՈԱԿ-ը  նրա  համերգի կազմակերպման,  բնականաբար նաև հետագաճակատագրի հետ որևէ առնչություն չեն ունեցել (համերգի կազմակերպիչ  «Շարմ»  ընկերությունը համերգի համար տարածքի վարձակալության պայմանագիր չի ունեցել նույնիսկ):  Հնչած  բոլոր  մեղադրանքները, որակումները, ենթադրություններն ու մեկնաբանությունները բացարձակ սուտ են և  բանսարկություն: 

Համերգի հեղինակ Վահան Արծրունուն և համերգի կազմակերպիչ «Շարմ» ընկերությանը հրավիրում եմ նախարարություն՝ լրագրողների ներկայությամբ դեմ առ դեմ միասին զրուցելու, փաստերով  բացահայտելու համերգի չկայանալու պատճառներն ու մեղավորին: Առանց փաստերի և ենթադրությունների վրա արված մեկնաբանությունները համարում եմ ամեն գնով նախարարությանը քննադատելու միտումնավորություն:

Հարկ եմ համարում նաև ավելացնել, որ որևէ արվեստագետ, այդ թվում Վահան Արծրունին, ազատորեն կարողեն  իրենց ստեղծագործությունները ներկայացնել Մշակույթի նախարարության ենթակայության տակ գտնվողցանկացած  սրահում կամ հարթակում՝ նախապես կնքելով պայմանագիր: Եթե կծագեն ֆինանսականդժվարություններ, ապա  նախարարությունը պատրաստ է ֆինանսապես մասնակիորեն օժանդակել ( մինչ օրսայդպես էլ եղել է):

Կրկին հայտնում եմ համերգի չկայանալու մեղավորին բացահայտելու պատրաստակամությունս»:

Մեքսիկայի խորհրդարանի պատգամավորներ Բլանկա Մարգարիտա Կուատա Դոմինգեսը, Մարիա Կրիստինա Տերեսա Գարսիա Բռավոն, Կառլոս Էռնանդես Միրոն ՀՀ ԱԺ նախագահի տեղակալ Էդուարդ Շարմազանովի եւ ՀՀ ԱԺ ապատգամավոր Մարգարիտ Եսայանի ուղեկցությամբ հոկտեմբերի 22-ին այցելել են Ծիծեռնակաբերդի հուշահամալիր։

Ինչպես «Արմենպրես»-ին տեղեկացրին ՀՀ Ազգային ժողովի հասարակայնության և տեղեկատվության միջոցների հետ կապերի վարչությունից, մեքսիկացի խորհրդարանականները ծաղիկներ են խոնարհել անմար կրակի մոտ եւ լռությամբ ու խոնարհումով հարգել Սուրբ նահատակների հիշատակը։

Հյուրերը եղել են նաեւ Հայոց ցեղասպանության թանգարան-ինստիտուտում, ծանոթացել Հայոց մեծ եղեռնը հավաստող փաստաթղթերին եւ վավերագրերին, դիտել ցուցանմուշները, գրառում կատարել հուշամատյանում։

Մեքսիկա-Հայաստան բարեկամական խմբի ղեկավար Բլանկա Մարգարիտա Կուատա Դոմինգեսը նշել է. «Ինձ համար պատիվ էր այցելել այս մեծ երկիրը, ճանաչել մի հերոսական ժողովրդի, որը մեծ հարգանք է վայելում աշխարհում։ Ես արդեն սիրում եմ Հայաստանը»։

Մարիա Կրիստինա Տերեսա Գարսիա Բռավոն նշել է. «Մեր համակրանքն ու համերաշխությունն ենք հայտնում հայ ժողովրդին»։

«Ատելությունը ձախողման ճանապարհն է»,- նշել է Կառլոս Էռնանդես Միրոն եւ հավելել, որ մարդկությունն աջակցում եւ մեծարում է հայ ժողովրդին։ 

2017թ. հոկտեմբերի 10-ին հակառակորդի կողմից արձակած կրակոցից կրծքավանդակի շրջանում հրազենային վիրավորում էր ստացել պարտադիր ժամկետային զինծառայող, շարքային Չապլին Արմենի Մարգարյանը, ով մահացել էր զինվորական հոսպիտալ տեղափոխվելուց հետո: Նույն օրը հակառակորդի կողմից ապօրինաբար դիտավորությամբ Չ. Մարգարյանին կյանքից զրկելու դեպքի առթիվ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով:

Ինչպես «Արմենպրես»-ին տեղեկացրին ՀՀ դատախազությունից, դեպքի հանգամանքների բազմակողմանի, օբյեկտիվ և լրիվ պարզման ուղղությամբ ձեռնարկված անհետաձգելի քննչական և այլ դատավարական գործողությունների արդյունքում ձեռք են բերվել բավարար փաստական տվյալներ առ այն, որ Չ. Մարգարյանի մահվան պատճառ են հանդիսացել նաև մարտական հենակետերում ինժեներական աշխատանքներ իրականացնելիս անվտանգության կանոնները չպահպանելը և այդ կանոնների պահպանման նկատմամբ մարտական հենակետի պատասխանատուի կողմից առերևույթ ցուցաբերված անփույթ վերաբերմունքը:

Հաշվի առնելով այդ հանգամանքը՝ ՀՀ զինվորական դատախազության Լոռու կայազորի դատախազության դատախազի հանձնարարությամբ, ՀՀ քրեական օրենսգրքի 376-րդ հոդվածի 2-րդ մասի (ծառայության նկատմամբ անփույթ վերաբերմունքը, որն անզգուշությամբ առաջացրել է ծանր հետևանքներ) հատկանիշներով նախատեսված առերևույթ հանցագործություն կատարելու կասկածանքով ձերբակալվել է հենակետի պատասխանատու, ՀՀ ՊՆ N զորամասի 1-ին հրաձգային գումարտակի հրամանատարի թիկունքի գծով տեղակալ, մայոր Տ.Պ.-ն: 

Նախաքննությունը շարունակվում է: 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Բարև ձեզ, «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

Այսօր` հոկտեմբերի 23-ին, կբացվի  «Նորարարությունների կառավարում» III միջազգային երիտասարդական գիտական դպրոցը: Այն կազմակերպում է ՀՀ տնտեսական զարգացման և ներդրումների նախարարության «Նորամուծության և ձեռներեցության ազգային կենտրոն»-ը, «Երիտասարդ նորարարների և գիտնականների ասոցիացիա»-ն և Երևանում Ռուսաստանի գիտության և մշակույթի կենտրոնը: Բացման խոսքով հանդես կգան ՀՀ տնտեսական զարգացման և ներդրումների նախարարի տեղակալ Էմիլ Տարասյանը, Երևանում Ռուսաստանի գիտության և մշակույթի կենտրոնի, ինչպես նաև ԱՊՀ նանոտեխնոլոգիաների միջազգային ինովացիոն կենտրոնի տնօրենները:

Հայաստանի գիտության և տեխնոլոգիաների հիմնադրամն (FAST) առաջարկում է կրթաթոշակային ծրագիր:  Հայաստանի գիտության և տեխնոլոգիաների հիմնադրամի (FAST) գործադիր տնօրեն Արմեն Օրուջյան և ՀՀ ԿԳ նախարար Լևոն Մկրտչյանը լրագրողների հետ հանդիպմանը կներկայացնեն մանրամասներ կրթաթոշակային ծրագրի վերաբերյալ:

ՄԱԿ-ի Զարգացման ծրագրի (ՄԱԶԾ) հայաստանյան գրասենյակը, ՀՀ բնապահպանության նախարարությունը և Երևանի քաղաքապետարանը հրավիրում են մասնակցելու «Երևանի կանաչ լուսավորության շաբաթ» տեղեկատվական արշավին: Այսօր` միջոցառման մեկնարկին նվիրված բրիֆինգին, ՀՀ բնապահպանության նախարարի առաջին տեղակալ Էրիկ Գրիգորյանը, ՄԱԶԾ մշտական ներկայացուցչի տեղակալ Դմիտրի Մարիասինը և Երևանի քաղաքապետարանի «Երքաղլույս» ՓԲԸ տնօրեն Վարդան Գաբրիելյանը կներկայացնեն «Երևանի կանաչ լուսավորության շաբաթ» արշավի ծրագիրը:

Հասարակական դաշտը քննարկում է «Զինվորական ծառայության և զինծառայողի կարգավիճակի մասին» օրենքի նախագծի դրական և բացասական կողմերը: Այս անգամ թեմայի վերաբերյալ իրենց դիտարկումները կներկայացնեն փաստաբան Նորայր Նորիկյանը և Հայ-ռուսական (Սլավոնական) համալսարանի ավագ դասախոս, տեխնիկական գիտությունների թեկնածու Սուրեն Էյրամջյանը:

Հայաստանի երիտասարդական հիմնադրամում կմեկնարկի «Վարչական շրջանի շրջակա միջավայրի մոնիթորինգ և աղտոտիչների թունավորության գնահատում» խորագրով 4-րդ միջազգային գիտաժողովը: Գիտաժողովի հիմնական նպատակն է շրջակա միջավայրի մոնիթորինգի, պահպանման, ինչպես նաև աղտոտիչների բացահայտման և վերահսկման խնդիրների վերաբերյալ ժամանակակից մեթոդների, եղանակների ներկայացումն ու քննարկումը:

Մատենադարանի շենքում կմարվի և շրջանառության մեջ կդրվի մեկ նամականիշ՝ նվիրված «Սուրբ Ղազար կղզում Մխիթարյան միաբանության հիմնադրման 300-ամյակ»-ին:

Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյսբուքում:

Բարև ձեզ, «Արմենպրես» պետական լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:

Այսօր` հոկտեմբերի 23-ին, կբացվի  «Նորարարությունների կառավարում» III միջազգային երիտասարդական գիտական դպրոցը: Այն կազմակերպում է ՀՀ տնտեսական զարգացման և ներդրումների նախարարության «Նորամուծության և ձեռներեցության ազգային կենտրոն»-ը, «Երիտասարդ նորարարների և գիտնականների ասոցիացիա»-ն և Երևանում Ռուսաստանի գիտության և մշակույթի կենտրոնը: Բացման խոսքով հանդես կգան ՀՀ տնտեսական զարգացման և ներդրումների նախարարի տեղակալ Էմիլ Տարասյանը, Երևանում Ռուսաստանի գիտության և մշակույթի կենտրոնի, ինչպես նաև ԱՊՀ նանոտեխնոլոգիաների միջազգային ինովացիոն կենտրոնի տնօրենները:

Հայաստանի գիտության և տեխնոլոգիաների հիմնադրամն (FAST) առաջարկում է կրթաթոշակային ծրագիր:  Հայաստանի գիտության և տեխնոլոգիաների հիմնադրամի (FAST) գործադիր տնօրեն Արմեն Օրուջյան և ՀՀ ԿԳ նախարար Լևոն Մկրտչյանը լրագրողների հետ հանդիպմանը կներկայացնեն մանրամասներ կրթաթոշակային ծրագրի վերաբերյալ:

ՄԱԿ-ի Զարգացման ծրագրի (ՄԱԶԾ) հայաստանյան գրասենյակը, ՀՀ բնապահպանության նախարարությունը և Երևանի քաղաքապետարանը հրավիրում են մասնակցելու «Երևանի կանաչ լուսավորության շաբաթ» տեղեկատվական արշավին: Այսօր` միջոցառման մեկնարկին նվիրված բրիֆինգին, ՀՀ բնապահպանության նախարարի առաջին տեղակալ Էրիկ Գրիգորյանը, ՄԱԶԾ մշտական ներկայացուցչի տեղակալ Դմիտրի Մարիասինը և Երևանի քաղաքապետարանի «Երքաղլույս» ՓԲԸ տնօրեն Վարդան Գաբրիելյանը կներկայացնեն «Երևանի կանաչ լուսավորության շաբաթ» արշավի ծրագիրը:

Հասարակական դաշտը քննարկում է «Զինվորական ծառայության և զինծառայողի կարգավիճակի մասին» օրենքի նախագծի դրական և բացասական կողմերը: Այս անգամ թեմայի վերաբերյալ իրենց դիտարկումները կներկայացնեն փաստաբան Նորայր Նորիկյանը և Հայ-ռուսական (Սլավոնական) համալսարանի ավագ դասախոս, տեխնիկական գիտությունների թեկնածու Սուրեն Էյրամջյանը:

Հայաստանի երիտասարդական հիմնադրամում կմեկնարկի «Վարչական շրջանի շրջակա միջավայրի մոնիթորինգ և աղտոտիչների թունավորության գնահատում» խորագրով 4-րդ միջազգային գիտաժողովը: Գիտաժողովի հիմնական նպատակն է շրջակա միջավայրի մոնիթորինգի, պահպանման, ինչպես նաև աղտոտիչների բացահայտման և վերահսկման խնդիրների վերաբերյալ ժամանակակից մեթոդների, եղանակների ներկայացումն ու քննարկումը:

Մատենադարանի շենքում կմարվի և շրջանառության մեջ կդրվի մեկ նամականիշ՝ նվիրված «Սուրբ Ղազար կղզում Մխիթարյան միաբանության հիմնադրման 300-ամյակ»-ին:

Այս և այլ թեմաների մասին կարող եք մանրամասն ընթերցել armenpress.am կայք էջում և լսել լրատվական ռադիոյի եթերում: Հետևեք մեզ թվիթերում և ֆեյսբուքում:

“Կինես“-ի համաշխարհային ցուցանիշ սահմանած ջութակահար Նիկոլա Մադոյեան իր յաղթանակը նուիրած է ապրիլեան պատերազմի հերոսներուն:

33 ժամ, 2 վայրկեան եւ 41 երկվայրկեան անընդմէջ նուագով (ամէն մէկ ժամուն` 5-րոպէական դադարներով) ջութակահարը համաշխաշխարհային ցուցանիշ սահմանած է, կը հաղորդէ “Փանորամա”-ն:

«Այս ցուցանիշի անուանակարգը ինծի համար հրաշալի հնարաւորութիւն ստեղծեց իմ տարբեր նպատակները, գաղափարները կեանքի կոչելու: Ընտրած եմ 59 ստեղծագործութիւն, որոնց մէջ են Կոմիտասի՝ «Ծիրանի ծառ»-ը, «Քելեր ցոլեր»-ը,  Էդուարդ Բաղդասրեանի՝ «Նոկտիւրն»-ը: Կանոններու համաձայն` չորս ժամուան ընթացքին ես իրաւունք չունէի կրկնել նոյն ստեղծագործութիւնը: 59 ստեղծագործութենէն բաղկացած շրջափուլը կը կրկնուէր մօտ 8 անգամ»,-  այսօր լրագրողներուն հետ հանդիպման ժամանակ պատմած է ջութակահար Նիկոլա Մադոյեան:

“Կինես“-ի համաշխարհային գրասենեակը Յուլիս 25-ին՝ պաշտօնապէս ճանչցած է անոր ցուցանիշը, իսկ անոր կատարումը տեղի ունեցած է Փետրուար 11-12-ին` Կամերային երաժշտութեան տան մէջ:

«Կինեսի գրասենեակէն ուղարկուած նամակին մէջ նշած էին, որ մեծ բաւականութիւն ստացած են կատարումներէն, ինչ որ ինծի համար շատ կարեւոր էր, քանի որ ֆիզիքական լարուածութեան հետ կրցած եմ գեղարուեստական տարրը պահապնել»,- ըսած է ան:

Ան պատմած է, թէ այդ ընթացքին ֆիզիքական յոգնութիւնը յաղթահարելու համար նոր ձեւ մը գտած է եւ այդ փորձը կը փոխանցէ իր ուսանուղներուն. «Սա մեծ փորձ էր ինծի համար` ստուգելու իմ տեխնիկական հնարաւորութիւնները: Կարելի է ըսել՝ ես այդ ընթացքին մշակեցի նոր մեթոտ, որ հնարաւորութիւն կու տայ տասնեակ ժամ նուագել, եւ ծանրաբեռնուած մկաններու աշխատանքը մանր շարժումներու շնորհիւ վերականգնել` նուագը չդադրեցնելով»:

Յառաջիկային ջութակահարը հիւրախաղերով պիտի մեկնի Իտալիա:

Ն. Մադոյեան ծնած է 1973-ին, Երեւան: Ան շարք մը միջազգային մրցոյթներու դափնեկիր է: Եղած է աշակերտը ականաւոր երաժիշտներու, ինչպիսին են` Ա. Բոգտանեանը, Զ.Պրոնը, Ի.Սթըրնը եւ Մ.Սօլովէովը: Ելոյթ ունեցած է աշխարհի բազմաթիւ սիմֆոնիկ նուագախումբերու հետ։  Ելոյթ ունեցած է Տիւոլի եւ Քոնցերթպաու, Լոնտոնի Թագաւորական փառատօնային, Մոսկուայի երաժշտանոցի Մեծ համերգասրահներուն մէջ, Միլանի Վերտիի թատրոնին մէջ եւ այլն: Ջութակահարի երգացանկը այնքան բարդ է, որ ոչ բոլոր երաժիշտները պատրաստ են այն կատարելու մէկ համերգի ընթացքին: Ինչպէս` Պեթհովընի 10 սօնատները ջութակի եւ դաշնամուրի համար (կատարուած են 2000-ին` Պեթհովընի 230-ամեակի ժամանակ), Փագանինիի 24 Քափրիզները (2001թ.), Պախի 6 սօնատները մենանուագ ջութակի համար (2003թ.), 6 սօնատները ջութակի եւ դաշնամուրի համար (2004թ.) եւ այլն:
2004-ին արժանացած է ՀՀ վաստակաւոր արտիստի կոչման: