*ՌՈՒԲԻՆԱ ՄԱՀՏԵՍԻ ՕՀԱՆԵԱՆ*

Այսօր բազմաթիւ լուրեր կային: Նիւ Եորքի ահաբեկչական գործողութիւնը, Գոնկրէսի յանձնաժողովի լսումները՝ Ֆէյսպուքի, ԿուԿըլի եւ Թուիթըրի իրաւական հարցերով՝ պատասխանատուներու ներկայութեամբ, Պաքու-Թիֆլիս- Կարս երկաթուղագիծի շահարկման յանձնելը ու մի քանի կարեւոր հարցեր Հայաստանի մէջ:

ԱՄՆ-ի այսօրուան լուրերէն գլխաւորը Նիւ Եորքի ահաբեկչութիւնն էր: Հաւանաբար արդէն գիտէք: Ինծի կը հետաքրքրէր յատկապէս Գոնկրէսի լսումները, որուն մասին մինչեւ հիմա քիչ բան հրատարակուած է: Բայց այդ քիչը կարդալով՝ նկատեցի, որ արծարծուած հարցը ոչ այնքան Ռուսաստանի միջամտութեան հարցն էր՝ ԱՄՆ-ի վերջին նախագահական ընտրութիւններու քարոզարշաւին, այլ ընկերային համացանցը վերահսկելու մեքանիզմի հարցը:

Ծերակուտականի անդամներէն մէկը պարզապէս նշեց, որ ընկերային ցանցերը « կը վախեցնեն ինծի»: Այո՛, շատերը կը վախնան: Հարցերուն գլխաւորը՝  ՀԻՄԱ ընկերային ցանցերը հսկելն է: Այդ հանդիպումին նաեւ քննարկուած  է խօսքի ազատութեան հարցը եւ այն, որ հսկողութեան մեքանիզմները զօրացնելով ՝արդեօք չի՞ խախտուիր խօսքի ազատութիւնըն առհասարակ:

Ֆէյսպուքի իրաւական հարցերով պատասխանատուն նշած է, որ իրենք մինչեւ 2018 թուականի վերջը աշխատանքի կը հրաւիրեն մօտ 20,000 հոգի ՝  ընկերային ցանցով տարածուող նիւթերու աղբիւրները յայտնաբերելու համար (մէկ խօսքով՝ ապահովական նկատառումներով): Այդ թիւը նախատեսուած թիւին կրկնակին է:

***

Հասարակական ու քաղաքական զարգացումները շատ արագ են եւ ինծի համար շատ հետաքրքրական: Բան մըն ալ ըսեմ կողմնակի: Այսօր ընկերուհիներուս հետ կը խօսէի տարբեր հարցերու մասին: Հայրենիքի մէջ, թէ այլուր, շատ մը հարցեր լուծումի կը կարօտին: Երկար ժամանակ փորձուած բանին դարձեալ առիթ տալը մեծ սխալ եւ ժամավաճառութիւն է: Ասպարէզը պէտք է զիջիլ ուսեալներուն, նորերուն, յանձնառուներուն եւ սրտցաւ գործիչներուն:

Մէկ հոգի ակնարկեց՝ ենթադրենք, որ պետական կամ այլ պատասխանատու գործիչներէն ոմանք լաւ չեն աշխատած, բայց, ա՜խ, ո՞վ կայ անոնց փոխարինող:  Ուրիշ մը պատասխանեց իրեն, որ, այո՛, մեր շրջապատին մէջ, հաւանաբար անոնց փոխարինող չկայ: Ես ալ աւելացուցի, որ այս մտածելակերպը փոփոխութիւններէ վախցող, ծերացած, քարացած միտքով եւ սպառուած մարդու մտածելակերպ է, ու ճիշդ այս պատճառով պէտք է ասպարէզը տալ նորերուն:

Աշխարհը գոյութիւն ունեցած է մեր ծնունդէն առաջ, պիտի գոյութիւն ունենայ իր ներկայի  դերակատարներով ու մեզմէ վերջ ալ: ՈՉ ՈՔ յաւիտեան կեանք ունի, եւ ոչ ոքի իշխանութիւնը  յաւիտենական է: Եւ որքա՜ն ճիշդ ու հպարտառիթ կ՛ըլլայ, եթէ հինը գիտակցի այս, եւ առանց աւելորդ ջղաձգութիւններու ու խնդիրներու՝ առիթը տան, որ հրապարակ իջնեն դարին համապատասխան նորերը:

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Յունաստանի կառավարութեան կողմէ կազմակերպուած Աթէնքի երկրորդ միջազգային համագումարին իր արտասանած խօսքին մէջ, Ն.Ս.Օ.Տ.Տ. Արամ Ա. Վեհափառ Հայրապետը յատուկ կարեւորութեամբ շեշտեց Միջին Արեւելքի կեանքին ու պատմութեան իւրայատուկ երեւոյթը կազմող ցեղային, կրօնական ու մշակութային բազմազանութիւնը պահելու հրամայականը։ Մեկնելով այս շեշտաւորումէն եւ անդրադառնալով Միջին Արեւելքի դիմագրաւած ներկայ տագնապներուն, Նորին Սրբութիւնը իր խօսքը ամփոփեց հետեւեալ չորս կէտերուն մէջ.-

1. Կեանքը աստուածատուր իրականութիւն մըն է։ Մարդը կոչուած է պահելու ու պաշտպանելու կեանքը. հետեւաբար, ոեւէ մէկ արարք կեանքը ապականելու ձգտող մեղանչում մըն է Աստուծոյ նկատմամբ։ Այս է ուսուցումը միաստուածեան երեք կրօններուն։
2. Բազմազանութիւնը Աստուծոյ ստեղծագործութեան իւրայատուկ երեսներէն մէկն է. ան հարստացուցիչ երեւոյթ է։ Հետեւաբար Միջին Արեւելքի կրօնական, մշակութային ու ցեղային բազմազանութիւնը պահելն ու զարգացնելը բոլորին հիմնական մտահոգութիւնը պէտք է դառնայ։
3. Ծայրայեղութիւնը մերժելի երեւոյթ մըն է բոլոր կրօններուն կողմէ։ Ոեւէ կրօնք իրաւունք չունի իր արժէքներն ու ուսուցումները պարտադրելու։ Արժէքներու ու աւանդութիւններու գոյակցութիւնը հիմքն է ազգերու համակեցութեան։
4. Խաղաղութիւնը աստուածատուր իրաւունք է, սակայն ճշմարիտ ու մնայուն խաղաղութիւնը հիմնուած է արդարութեան վրայ։

Ապա, Վեհափառ Հայրապետը անդրադարձաւ Միջին Արեւելքի ներկայ կացութեան եւ յիշեց, որ կրօնական ծայրայեղութիւնը, արտաքին ոյժերու միջամտութիւնը, ժողովրդավարութեան ու մարդկային իրաւանց անտեսումը այլազան տագնապներ յառաջացուցած է շրջանէն ներս՝ հարցականի տակ առնելով մշակոյթներու ու կրօններու համակեցութիւնը։ Միջին Արեւելքը լուրջ վտանգներու կրնայ ենթարկուիլ, երբ իր ինքնութեան անբաժան մասը կազմող բազմազանութիւնը վտանգուի՝ յիշեցուց Նորին Սրբութիւնը եւ կոչ ուղղեց, որ երեք միաստուածեան կրօններու առաջնորդները քաղաքական ղեկավարներու հետ միասնաբար դիմեն այնպիսի քայլերու, որոնցմով կարելի ըլլայ պահպանել Միջին Արեւելքի բազմազանութիւնը։

Յայտնենք, որ Արամ Ա. Կաթողիկոսին կողքին համագումարին ներկայ եղան Յունաստանի հայոց թեմի առաջնորդ՝ Գերշ. Տ. Գեղամ Արք. Խաչերեան եւ Ազգային Վարչութեան ատենապետ՝ Պօղոս Չոլաքեան։ Համագումարին նաեւ կը մասնակցէր որպէս Արաբական Միացեալ Էմիրութեանց պետութեան պատուիրակութեան անդամ՝ Գերպ. Տ. Մեսրոպ Ծ. Վրդ. Սարգիսեան։

Համագումարին բացումը կատարեց Յունաստանի Նախագահը, ապա ժողովին ատենապետութիւնը ստանձնեց Արտաքին Գործոց նախարարը։ Ներկայ էին աւելի քան 200 ներկայացուցիչներ՝ պետական, դիւանագիտական, կրօնական եւ միաստուածեան երեք կրօնները ներկայացնող հոգեւոր ղեկավարներ։

Յիշեցնենք, որ Ուրբաթ, 27 Հոկտեմբեր 2017-ին, Ն.Ս.Օ.Տ.Տ. Արամ Ա. Վեհափառ Հայրապետը ժամանեց Աթէնք եւ օդակայանին մէջ արժանացաւ պաշտօնական ընդունելութեան։ Վեհափառ Հայրապետին բարի գալուստի եկած էին Յունաստանի հայոց թեմի առաջնորդ՝ Գերշ. Տ. Գեղամ Արք. Խաչերեան, Հայաստանի Հանրապետութեան դեսպան՝ Ֆատէյ Չարչողլեան, Ազգային Վարչութեան ատենապետ՝ Պօղոս Չոլաքեան, պետութեան ներկայացուցիչը, Կեդրոնական Կոմիտէի անդամներ, քահանայ հայրեր եւ ազգայիններ։

Ապա Նորին Սրբութիւնը այցելեց Հայաստանի Հանրապետութեան դեսպանատուն եւ հանդիպում ունեցաւ դեսպանին ու իր աշխատակազմին հետ։ Դեսպանը բարի գալուստ մաղթելով Նորին Սրբութեան՝ անդրադարձաւ իր կատարած կարեւոր դերին ի խնդիր Հայաստանի ու Արցախի հզօրացման ու ազգային իրաւունքներու հետապնդման։ Վեհափառ Հայրապետը իր կարգին, իր ուրախութիւնը յայտնեց, որ դարձեալ կը գտնուի հայկական հողի վրայ։ Ան շեշտեց Հայաստանի կողքին ըլլալու Սփիւռքին պարտաւորութիւնը եւ ողջունեց դեսպանատան եւ Յունաստանի հայութեան գործակցութիւնը ու զայն աւելի ամրապնդելու անհրաժեշտութիւնը։

Նոյն օրը երեկոյեան, Հայրապետը հանդիպում մը ունեցաւ Ազգային Վարչութեան հետ՝ առաջնորդ սրբազանին գլխաւորութեամբ։ Հանդիպումը առիթ մը հանդիսացաւ ընդհանուր ակնարկ մը նետելու նորընտիր Ազգային Վարչութեան յառաջիկայ ծրագիրներուն, ինչպէս նաեւ թեմը դիմագրաւող մարտահրաւէրներուն։ Ապա, իր իջեւանած պանդոկին մէջ, Վեհափառ Հայրապետին այցելեց ՀՅԴ-ի Կեդրոնական Կոմիտէն։ Հանդիպումի ընթացքին ընդհանուր անդրադարձ կատարուեցաւ յատկապէս պետութեան ու քաղաքական շրջանակներէն ներս գաղութին ունեցած յարաբերութիւններուն, ինչպէս նաեւ հայ դատի գծով կատարուող աշխատանքներուն։

Ապա Հայրապետին այցելեց Յունաստանի ընդդիմադիր կուսակցութեան պետը եւ առաջնորդ սրբազանին ու Ազգային Վարչութեան ատենապետին ներկայութեան հանդիպում ունեցաւ Նորին Սրբութեան հետ։ Քննարկումները ընդհանրապէս կեդրոնացան Եւրոպայի ու Միջին Արեւելքի դիմագրաւող հարցերուն շուրջ։ Իսկ աւելի ուշ, Ազգային Վարչութիւնը ընթրիք մը սարքեց ի պատիւ Վեհափառ Հայրապետին։

Դարձեալ յիշեցնենք, որ Վեհափառ Հայրապետը Յունաստան իր կեցութեան ընթացքին, Կիրակի, 29 Հոկտեմբեր 2017-ին, Աթէնքի Ս. Յակոբ եկեղեցւոյ մէջ տեղի ունեցած Ս. եւ Անմահ Պատարագի ընթացքին, պատգամ մը ուղղեց ժողովուրդին՝ յատկապէս շեշտելով եկեղեցին ժողովրդանուէր ծառայութեան վերածելու հրամայականը։

Իր հայրապետական պատգամին սկիզբը, Նորին Սրբութիւնը ողջունեց Յունաստանի Հայոց Թեմի նորընտիր առաջնորդ՝ Գերշ. Տ. Գեղամ Արք. Խաչերեանին ընտրութիւնը եւ յոյս յայտնեց, որ սրբազանը իր ունեցած փորձառութիւնը, ուսումը ու հոգեմտաւոր կազմաւորումը ի սպաս պիտի դնէ ծառայութեան ճամբով Յունաստանի մեր ժողովուրդի սիրելի զաւակներուն։

Վեհափառ Հայրապետը նաեւ ողջունեց նորընտիր Ազգային Վարչութիւնը եւ թելադրեց, որ առաջնորդ սրբազանին ու թեմի այլ կառոյցներուն հետ գործակցաբար աշխատին թեմին առաւել բարգաւաճման համար։

Ապա Վեհափառ Հայրապետը անդրադառնալով Քրիստոսի առաքելութեան ըսաւ, որ Քրիստոս ինքզինք ըմբռնեց որպէս ծառայ եւ իր առաքելութիւնը՝ որպէս ծառայութիւն։ Այս յանձնառութեամբ Աստուծոյ Որդին իր երկրաւոր առաքելութիւնը իրագործեց Նազարէթէն սկսեալ մինչեւ Գողգոթա։ Իր երկրաւոր առաքելութեան աւարտին Քրիստոս թելադրեց իր աշակերտներուն ծառայելու մարդոց։ Այս է եկեղեցւոյ գոյութեան նպատակը ու առաքելութեան իմաստը։ Այլ խօսքով, եկեղեցին իր հարազատ էութիւնը կը ստանայ ծառայելո՛վ։ Ծառայութիւնն է նաեւ եկեղեցւոյ հեղինակութեան աղբիւրը, շեշտեց Նորին Սրբութիւնը

Խօսելով Հայ Եկեղեցւոյ մասին, Հայրապետը ըսաւ, որ ինչպէս անցեալին, այսօր եւս, մեր եկեղեցին կոչուած է ծառայելու մեր ժողովուրդին, հոգալու մեր ժողովուրդի զաւակներուն կարիքները՝ իր կարելիութեան սահմաններուն մէջ, բաժնելու մեր ժողովուրդին մտահոգութիւններն ու ցաւերը, գործնապէս դառնալով ժողովուրդի՛ն եկեղեցին. հետեւաբար, Հայ Եկեղեցին իր հեղինակութիւնը կը կերտէ ծառայութեամբ՝ ինչպէս Քրիստոս ըրաւ։ Ինչպէս մեր բոլոր գաղութներէն ներս, Յունաստանի մէջ եւս, մեր եկեղեցին կոչուած է ծառայելու մեր ժողովուրդի զաւակներուն։ Վեհափառ Հայրապետը նաեւ յիշեցուց, որ մեր ժողովուրդին նուիրումով ծառայելու կոչուած հոգեւորականներ կը պատրաստուին Անթիլիասի Դպրեվանքին մէջ։ Հոն կը լեցուին մեր պատմութեան շունչով ու ոգիով, մեր աւանդութիւններով, արժէքներով, հայրենիքին ու ազգին համար պայքարելու ու նոյնիսկ զոհուելու գիտակցութեամբ. ուր որ մեր միաբանները կը ծառայեն միայն պատիւ կը բերեն մեր եկեղեցւոյ ու յատկապէս Մեծի Տանն Կիլիկիոյ Կաթողիկոսութեան, որովհետեւ անոնք կը ծառայեն նուիրումով, հաւատարմութեամբ, մեր ժողովուրդի ծառայութիւնը միայն նկատելով իրենց կեանքին ճանապարհը։ Հոս, ձեր թեմէն ներս, առաջնորդ սրբազանին շուրջ ունիք միաբաններ, որոնք ծառայական նոյն ոգիով իրենց կարելին կ՚ընեն օգտական հանդիսանալու թեմի բազմազան ու այլազան կարիքներուն, նշեց Վեհափառ Հայրապետը։

Իր խօսքի աւարտին, Նորին Սրբութիւնը ողջունեց թեմէն ներս գործող բոլոր կառոյցները, մարմինները եւ մեր ժողովուրդի բոլոր զաւակները, եւ կոչ ուղղեց միասնական ոգիով Հայաստանին ու Արցախին գործնապէս զօրակցելու յանձնառութեամբ ապրիլ ու գործել։

Ս. եւ Անմահ Պատարագէն ետք տեղի ունեցաւ աջահամբոյր եկեղեցւոյ սրահին մէջ, ապա Ազգային Վարչութիւնը պաշտօնական ճաշկերոյթ մը սարքեց ի պատիւ Վեհափառ Հայրապետին։

Ճաշկերոյթին ներկայ էին Յունաստանի եկեղեցւոյ հոգեւոր պետին ներկայացուցիչները, Առաջնորդ Սրբազանին կողքին ներկայ էին նաեւ ազգային մարմիններու ու կառոյցներու ներկայացուցիչները՝ Աթէնքէն, Սելանիկէ եւ այլ շրջաններէն։

Յաջորդաբար խօսք առին Ազգային Վարութեան ատենապետ՝ Պօղոս Չոլաքեանը, հայ աւետարանական համայնքի վերապետուելի՝ Վիգէն Չոլաքեան, Կեդրոնական Կոմիտէի հերթապահ՝ Քերոբ Էքիզեան, Յունաստանի ուղղափառ եկեղեցւոյ պետին ներկայացուցիչը, Առաջնորդ Սրբազան հայրը եւ աւարտին Վեհափառ Հայրապետը։ Բոլոր խօսք առնողները շեշտեցին Մեծի Տանն Կիլիկիոյ Կաթողիկոսութեան կատարած ծառայութիւնը Յունաստանի գաղութէն ներս, ինչպէս նաեւ հայ ու յոյն եկեղեցիներու դարաւոր պատմութիւնը։

Արամ Ա. Կաթողիկոսը իր փակման խօսքին մէջ նախ ողջունեց յոյն եկեղեցւոյ պատրիարքին ներկայացուցիչները՝ յիշելով, որ մեր երկու եկեղեցիներուն ու ժողովուրդներուն դարաւոր բարեկամութիւնը անհրաժեշտ է աւելի ամրացնել։ Խօսելով յունահայ թեմին մասին, Նորին Սրբութիւնը անդրադարձաւ ներդաշնակ գործակցութեան կարեւորութեան համայնքէն ներս գործող բոլոր կառոյցներուն միջեւ։

Ճաշկերոյթը իր աւարտին հասաւ «Կիլիկիա» քայլերգով եւ «Ի վեհ բարձանց» հայրապետական մաղթերգով։

Պետական պատուիրակութեամբ մը Լիբանան գտնուող Հայաստանի Զբօսաշրջութեան Պետական Կոմիտէի նախագահ Զարմինէ Զէյթունցեան եւ Հայաստանի Զբօսաշրջութեան Զարգացման Հիմնադրամի տնօրէն Արա Խզմալեան «Զարթօնք»-ի խմբագրատուն իրենց այցելութեամբ պատուեցին մեզի: Իրենց կ՛ընկերակցէր ընկ. Միքայէլ Վայէճեան:

Մտերմիկ հանդիպումը առիթ մըն էր՝ արծարծելու Հայրենիքի զբօսաշրջութեան զարգացման հետ կապուած կարեւոր հարցեր:

«Ես կը կարծեմ Հայրենի պետութեան կողմէ Զբօսաշրջութեան Պետական Կոմիտէի ստեղծումը մեծ քայլ էր, որովհետև մինչ այդ կար միայն զբօսաշրջութեան բաժին, տնտեսութեան զագացման և ներդրումներ նախարարութեան կազմի մէջ, բայց հիմա այն դարձաւ կոմիտէ, որ մէկ քայլ արդէն վեր է: Հակառակ այն իրողութեան, որ նոյնպէս կը գտնուինք տնտեսութեան զարգացման և ներդրումներու նախարարութեան մէջ, բայց ինքը պետական կոմիտէ է այլեւս, մակարդակը աւելի բարձր է, լիազօրութիւնները աւելի բարձր են և պարտականութիւնները աւելի շատ են քան նախկինին»,- մեզի յայտնեց տիկին Զարմինէ Զէյթունցեան:  

Մեր հարցումին, թէ ի՛նչ է կոմիտէութեան աշխատանքային դաշտը այսօր, տիկին Զէյթունցեան ազնուութեամբ պատասխանեց.  «Քանի որ մեր գործը աւելի քաղաքական պետական գործ է, մենք կ՛աշխատինք ռազմավարութիւն մշակել, միջազգային կազմակերպութիւններու հետ աշխատիլ, զբօսաշրջութեան բոլոր կազմակերպութիւններուն ներգրաւել, օրէնքներ գրել»:

Պրն. Արա Խզմալեան իր կարգին յայտնեց, որ Հայաստանի Զբօսաշրջութեան Զարգացման հիմնադրամը արդէն քանի մը ամիս է ստեղծուած է.  «Այնտեղ արդէն կ՛աշխատին մարքեթինկի ու հանրային կապերու (PR) մասնագէտներ»,- աւելցուց ան:  

«Այսինքն՝ ծրագիրը միասին կը մշակենք,  իրենք կը հաստատեն, որովհետև իրենց ոլորտին աւելի ծանօթ են և փորձառու։ Ապա Վարչապետի ու կառավարութեան կողմէ կը ստանանք ուղղութիւնները  և  այս ամէնը միաւորելով՝ մենք ռազմավարութիւն կը մշակենք, յետոյ այդ ռազմավարութիւնը կ՛իրականացնէ հիմնադրամը»,- պարզաբանեց տիկին Զէյթունցեան:

«Մենք գտնուելով նախարարութեան համակարգին մէջ՝   յաճախ կ՛օգտագործենք նախարարութեան ուժաղբիւրները: Ինքը՝ վերջերս Հայաստանի մէջ մեծ մրցանիշ արձանագրող զբօսաշրջութիւնը կ՛արտայայտէ: Մենք շատ ներդրողներ ունինք, որ կու գան մեր քով հարցեր կու տան և մենք զանոնք կ՛ուղղորդենք»,- աւելցուց տիկին Զարմինէ Զէյթունցեան:

Ըստ մեր հիւրերուն՝ Լիբանանի Զբօսաշրջիկութեան նախարար Պրն. Աւետիս Գիտանեանի կազմակերպած գիտաժողովին քանի մը մեծ զբօսաշրջիկութեան մարզութեան աշխատողներուն անոնք ներկայացուցած են Հայաստանը,  խօսելով արկածային զբօսաշրջութենէն սկսած, մինչև հայրենիքի կենսոլորտային զբօսաշրջիկութեան մասին: Հայաստան ունի շատ հետաքրքիր թռչնադիտում, որ այսօր ամենայայտնի զբօսաշրջութեան ձեւերէն մէկն է, իր խտութեամբ Հայաստանը Եւորպայի ամենաշատ թռչնատեսակներ ունեցող երկիրներէն մէկն է: Անոնք ներկաներուն խօսած են նաև Ճանապարհորդական զբօսաշրջութեան մասին, բնապահպանական զբօսաշրջութեան, առողջապահական զբօսաշրջութիւն`յատկապէս ատամնաբոյժութեան եւ մարմնաբուժութեան մարզերէն ներս: Արծարծած են նաեւ ընկերութիւններու զբօսաշրջութեան մասին: «Մէկ խօսքով մեծ հնարաւորութիւն ունինք»,- հաստատեց տիկին Զէյթունցեան:

Գտնուելով խմբագրատան մը յարկին տակ՝ տիկին Զէյթունցեան յայտնեց իր ցանկութիւնը հրաւիրելու լրագրողներ որոշ երկիրներէ՝ որպէս զբօսաշրջիկներ և անոնց ծանօթացնելու Հայաստանը, որպէսզի անոնք  շրջին մեր երկրին մէջ ու գրեն անոր գեղեցկութեան ու կարելիութեան մասին:

Տիկին Զէյթունցեանի եւ Պրն. Խզմալեանի մեր խմբագրատունը այցելութիւնն ու իրենց հետ ունեցած մեր զրոյցը եւ ի տես իրենց եռանդին ու մղուածութեան, մեզի աւելի եւս ներշնչեց ու վստահեցուց, որ Հայրենիքի զարգացման ապագան աւելի քան յուսալից է եւ լաւ ձեռքերու մէջ:

«Խմբ.»

Պետական պատուիրակութեամբ մը Լիբանան գտնուող Հայաստանի Զբօսաշրջութեան Պետական Կոմիտէի նախագահ Զարմինէ Զէյթունցեան եւ Հայաստանի Զբօսաշրջութեան Զարգացման Հիմնադրամի տնօրէն Արա Խզմալեան «Զարթօնք»-ի խմբագրատուն իրենց այցելութեամբ պատուեցին մեզի: Իրենց կ՛ընկերակցէր ընկ. Միքայէլ Վայէճեան:

Մտերմիկ հանդիպումը առիթ մըն էր՝ արծարծելու Հայրենիքի զբօսաշրջութեան զարգացման հետ կապուած կարեւոր հարցեր:

«Ես կը կարծեմ Հայրենի պետութեան կողմէ Զբօսաշրջութեան Պետական Կոմիտէի ստեղծումը մեծ քայլ էր, որովհետև մինչ այդ կար միայն զբօսաշրջութեան բաժին, տնտեսութեան զագացման և ներդրումներ նախարարութեան կազմի մէջ, բայց հիմա այն դարձաւ կոմիտէ, որ մէկ քայլ արդէն վեր է: Հակառակ այն իրողութեան, որ նոյնպէս կը գտնուինք տնտեսութեան զարգացման և ներդրումներոագործենք նախարարութեան ուժաղբիւրները: Ինքը՝ վերջերս Հայաստանի մէջ մեծ մրցանիշ արձանագրող զբօսաշրջութիւնը կ՛արտայայտէ: Մենք շատ ներդրողներ ունինք, որ կու գան մեր քով հարցեր կու տան և մենք զանոնք կ՛ուղղորդենք»,- աւելցուց տիկին Զարմինէ Զէյթունցեան:

Ըստ մեր հիւրերուն՝ Լիբանանի Զբօսաշրջիկութեան նախարար Պրն. Աւետիս Գիտանեանի կազմակերպած գիտաժողովին քանի մը մեծ զբօսաշրջիկութեան մարզութեան աշխատողներուն անոնք ներկայացուցած են Հայաստանը,  խօսելով արկածային զբօսաշրջութենէն սկսած, մինչև հայրենիքի կենսոլորտային զբօսաշրջիկութեան մասին: Հայաստան ունի շատ հետաքրքիր թռչնադիտում, որ այսօր ամենայայտնի զբօսաշրջութեան ձեւերէն մէկն է, իր խտութեամբ Հայաստանը Եւորպայի ամենաշատ թռչնատեսակներ ունեցող երկիրներէն մէկն է: Անոնք ներկաներուն խօսած են նաև Ճանապարհորդական զբօսաշրջութեան մասին, բնապահպանական զբօսաշրջութեան, առողջապահական զբօսաշրջութիւն`յատկապէս ատամնաբոյժութեան եւ մարմնաբուժութեան մարզերէն ներս: Արծարծած են նաեւ ընկերութիւններու զբօսաշրջութեան մասին: «Մէկ խօսքով մեծ հնարաւորութիւն ունինք»,- հաստատեց տիկին Զէյթունցեան:

Գտնուելով խմբագրատան մը յարկին տակ՝ տիկին Զէյթունցեան յայտնեց իր ցանկութիւնը հրաւիրելու լրագրողներ որոշ երկիրներէ՝ որպէս զբօսաշրջիկներ և անոնց ծանօթացնելու Հայաստանը, որպէսզի անոնք  շրջին մեր երկրին մէջ ու գրեն անոր գեղեցկութեան ու կարելիութեան մասին:

Տիկին Զէյթունցեանի եւ Պրն. Խզմալեանի մեր խմբագրատունը այցելութիւնն ու իրենց հետ ունեցած մեր զրոյցը եւ ի տես իրենց եռանդին ու մղուածութեան, մեզի աւելի եւս ներշնչեց ու վստահեցուց, որ Հայրենիքի զարգացման ապագան աւելի քան յուսալից է եւ լաւ ձեռքերու մէջ:

«Խմբ.»