«Վասն Հայրենեաց» ազգային համախմբման շարժումը սկսում է իր գործունութիւնը։
Շարժման առաջին գործողութիւնը լինելու է ՀՀ 9 մարզերի սահմանամերձ համայնքներում/գիւղերում տեսանելի բարձրունքի վրա Հայաստանի Հանրապետութեան եռագոյն դրօշի տեղադրման՝ «Սահմանք Քաջաց Դրօշն Իւրեանց» նախաձեռնութիւնը։
Առաջին համայնքը, որտեղ կը տեղադրուի եռագոյնը հայ–թուրքական սահմանի՝ Շիրակի մարզի Անիպեմզա գիւղն է։
Դրօշի տեղադրման արարողութիւնը տեղի կ՛ունենայ Մարտի 5-ին, ժամը 14։00-ին Անիպեմզա համայնքում։
Արարողութեանը ներկայ են լինելու Վասն Հայրենեաց Շարժման նախաձեռնող խորհուրդը, համայնքային ներկայացուցիչներ։ Միջոցառումը կ՛ուղեկցուի մշակութային համարներով։ Իր ներկայութեամբ միջոցառումը կը պատուի ՀՀ վաստակաւոր արտիստ, երգչուհի Շուշան Պետրոսեանը: ՀՀ դրօշը տեղադրւում է Արգենտինայից Սուսաննա և Սերխիօ Նահապետեանների հովանաւորութեամբ:
Գործողութեան նպատակը.
1. Հայաստանի Հանրապետութեան անձեռնմխելի սահմանները խորհրդանշականօրէն ուրուագծել իր պետական դրօշով:
2. Ազգային–պետական դրօշի պահպանումն ու դրա հանդէպ յարգանքի աւելի ամրապնդումը հայորդիների մօտ:
3. Հրապարակային միջոցառումների և դրանից բխող մետիա հաղորդումների միջոցով ՀՀ սահմանամերձ գիւղերի ծանօթացումը լայն հանրութեանը։
4. Նպաստել տուեալ գիւղի զարգացմանը։
5. Հայաստանի և Արցախի Հանրապետութիւնների բնակիչ թէ սփիւռքահայ իւրաքանչիւր հայորդի կամ համայնք մասնակից դարձնել այս գործողութեանը, հայ ժողովուրդի զաւակներին ազգօգուտ նպատակների և իրար շուրջ համախմբելու միտումով:
Ք. Ա.
