Երեւանի մէջ տեղի պիտի ունենայ բաց քննարկում մը «Իրան-ԱՄՆ հակամարտութիւնը եւ Հայաստանի Հանրապետութեան անվտանգութեան հարցերը» նիւթին շուրջ։
Մերձաւոր Արեւելքի մէջ ձեւաւորուող աշխարհաքաղաքական կացութեան եւ անոր հնարաւոր ազդեցութեան՝ Հայաստանի անվտանգութեան վրայ, անդրադարձ պիտի կատարուի Երեւանի մէջ, Մարտ 13-ին կայանալիք «Իրան-ԱՄՆ հակամարտութիւնը եւ Հայաստանի Հանրապետութեան անվտանգութեան հարցերը» նիւթով բաց քննարկման ընթացքին։
Ժամը՝ 17։00 – 19։00
Վայրը՝ «Անի Պլազա» հիւրանոց, «Դուին» սրահ, Երեւան
Փորձագէտներն ու վերլուծաբանները Հայաստանէ, Իրանէ եւ Լիբանանէ պիտի ներկայացնեն Մերձաւոր Արեւելքի մէջ ընթացող զարգացումները, պիտի անդրադառնան Իրան-ԱՄՆ հակամարտութեան հնարաւոր պատկերացումներուն, ինչպէս նաեւ անոնցմէ բխող անվտանգային, քաղաքական եւ տնտեսական մարտահրաւէրներուն՝ Հայաստանի Հանրապետութեան համար։
Բանախօսութիւններով հանդէս պիտի գան՝
Ալէն Ղեւոնդեան – ԵՊՀ, Միջազգային յարաբերութիւններու բաժանմունք, Քաղաքագիտութեան ամպիոն, դոցենտ
Ահարոն Վարդանեան – ԵՊՀ, Արեւելագիտութեան բաժանմունք, Իրանագիտութեան ամպիոն, դասախօս
Սեւակ Յակոբեան – «Զարթօնք» պարբերաթերթ, գլխաւոր խմբագիր (Լիբանան)
Աննա Փախլեան – «Ամբերդ» հետազօտական կեդրոն, ՀՊՏՀ դասախօս, գիտութիւնների թեկնածու, դոցենտ
Էհսան Մովահէտեան – Թեհրանի ATU (Allameh Tabataba) համալսարան, միջազգայնագէտ, Հարաւային Կովկասի հարցերով փորձագէտ, դասախօս, գիտութիւնների թեկնածու (Իրան)
Վազգէն Պետրոսեան – «Հայաստանի Ժողովրդային Շարժում» ՀԿ համակարգող, թուրքագէտ
«Հայաստանի Ժողովրդային Շարժում» հայրենասիրական հասարակական կազմակերպութեան նախաձեռնած քննարկման նպատակն է մասնագիտական հարթակում վերլուծել տարածաշրջանային զարգացումները՝ ընդգրկելով ռազմական, անվտանգային, քաղաքական, տնտեսական բաղադրիչները, ներկայացնել տարբեր գնահատականներ եւ նպաստել Հայաստանի անվտանգութեան հարցերուն շուրջ հանրային քննարկման։
