Արեան Կանչը
Աւստրալիոյ Փարրամաթթա քաղաքի Քաղաքային Խորհուրդի անդամ՝ Թանիա Ռաֆֆուլի ճիգերով քաղաքը պաշտօնապէս ճանչցաւ Հայոց Ցեղասպանութիւնը:
Արդարեւ, իր մօր կողմէ հայուհի՝ Թանիա Ռաֆֆուլ, որ 14 Սեպտեմբեր 2024-ին արժանաւորապէս ընտրուած էր Աւստրալիոյ Սիտնի Նահանգի, Փարամաթթա քաղաքի Քաղաքային Խորհուրդի անդամը, 14 Ապրիլ 2025-ին քաղաքի աւագանիի պալատին միջնորդութիւն ներկայացուցած է, պաշտօնապէս ճանչնալու, 1,5 միլիոն հայորդիներու և աւելի քան 1 միլիոն Ասորի եւ Յոյն անմեղ մարդկանց ցեղասպանութիւնը, որ գործադրուած է Օսմանեան կայսրութեան կողմէ 1915-1923 տարիներուն: Թանիա Ռաֆֆուլ պահանջած է դատապարտել մարդկութեան դէմ կատարուած այս դաժան ոճիրը:
Մենք այսօր պատմութիւն կը կերտենք յայտարարած է հայուհին: Զոհուածներուն յիշատակը յաւերժ կը մնայ ամբողջ աշխարհի հայերուն, ասորիներուն և յոյներուն սիրտերուն մէջ և այսուհետեւ նաև Փարրամաթթա քաղաքի սրտին մէջ, հաստատած է Թանիա:
Նշենք, որ Փարրամաթթա քաղաքը, տեղական կառավարութիւն ունեցող տարածք է, որ կը գտնուի Աւստրալիոյ Սիտնի նահանգի հիւսիս արեւմտեան տարածաշրջանին մէջ: Քաղաքի տարածութիւնն է 84 քառ. քլմ.: Համաձայն 2021-ի մարդահամարին, ան ունի 256,729 բնակիչ:
Parramatta Town Hall – Փարրամաթթայի Քաղաքային Խորհուրդի շէնքը, որ նշեալ խորհուրդին նստավայրն է 1883-էն ի վեր:
Փարրամաթթայի Քաղաքային Խորհուրդի կազմը
Թանիա Ռաֆֆուլի 2024-ի Ընտրարշաւէն փունջ մը նկարներ
Թանիա Ռաֆֆուլ Քաղաքային Խորհուրդի կազմի ընտրուած անդամի երդմնառութեան պահուն 14 Հոկտեմբեր 2024-ին
Թանիա իր ծնողներուն՝ հետ
Լսենք հատուածներ Թանիայի ելոյթէն.
