Հինգշաբթի, 28. 03. 2024

spot_img

ՀԲԸՄ-ՀԵԸ-ականներ  Նոր Տիտղոսներ Կը  Նուաճեն  Լիբանանի Ճատրակի   Տարիքային Ախոյեանութեան Մրցումներուն

Շաբաթավերջին, Լիբանանի  ճատրակի  ֆետերասիոնին   հովանաւորութեամբ, լիբանանեան  բանակի  Մար  Ռուքոզի    մարզական  կեդրոնին  մէջ տեղի  ունեցան    տարիքային ճատրակի ախոյեանութեան  մրցումները:

 ՀԵԸ Անդրանիկ Անթիլիասի ներկայացուցիչ  Սարգիս Զէյթճեան  շահեցաւ վեց  տարեկանէն վար փոքրերու  գլխաւոր տիտղոսը`ախոյեանութիւնը:  Թերեզա Էսփեր  երկրորդ  դիրքը գրաւեց ութ տարեկանէն  վար փոքրերու   մէջ,  իսկ  Ալեքսանդր Սերմանուկեան՝  տասնութ տարեկանէն  վար պատանիներու ախոյեանութեան  երկրորդ դիրքը: Փաստօրէն ՀԵԸ Անդրանիկ  Անթիլիասի  մարզիկները ապահովեցին մէկ ոսկէ  եւ երկու արծաթ  մետալ:

Նշենք, թէ  ՀԵԸ Անդրանիկ Անթիլիասի  ճատրակի ակադեմիայի  մարզիկները  շաբաթական  երկու  օր  դրութեամբ իրենց  փորձերը  կը  կատարեն ՀԲԸՄ-ի Տեմիրճեան  կեդրոնին մէջ:

Այս  ուրախ առիթով   ջերմապէս  կը  շնորհաւորենք ՀԵԸ Անդրանիկ Անթիլիասի  մարզիկները, պատասխանատուները, յատկապէս՝ Ճատրակի  ակադեմիայի պատասխանատու եւ Լիբանանի  ճատրակի  ֆետերասիոնի փոխնախագահ  Տիգրան  Զէյթճեանը:

Շաբաթ, 25 Մարտ  2023-ին, Լիբանանեան բանակի  ընդհանուր  հրամանատար,զօր. Ժոզէֆ Աունի  հովանաւորութեամբ,  Լիբանանի  ճատրակի  ֆետերասիոնին կազմակերպութեամբ, տեղի ունեցաւ ախոյեանութեան արդիւնքներուն մրցանակաբաշխութիւնը    Ռիատիի ակումբին մէջ, Մանարա:

Հանդիսաւոր արարողութեան  ներկայ  գտնուեցան  պետական, քաղաքական, հասարակական,մարզական  դէմքեր, որոնց մէջ ՀԵԸ-ի Կեդրոնական  Վարչութեան ատենապետ Վիգէն  Չերչեան:

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին