Լիբանանի տղոց պասքեթպոլի ախոյեանութեան 5-րդ օրուան մրցումներուն գծով, Կիրակի, 30 Հոկտեմբեր 2022, երեկոյեան ժամը 7.30-ին, ՀԵԸ Անդրանիկ Պէյրութ՝ 86-82 արդիւնքով պարտութեան մատնեց Պիպլոսը, այս վերջնոյն դաշտին մէջ:
Շնորհիւ այս յաղթանակին, ՀԵԸ Անդրանիկ Պէյրութ ախոյեանութեան ընդհանուր դասաւորման 7-րդ դիրքը կը գրաւէ ներկայիս: ՀԵԸ Անդրանիկ հինգ մրցումներէ ետք արձանագրած է երկու յաղթանակ,կրած՝ երեք պարտութիւն:
ՀԵԸ Անդրանիկի տղաքը ախոյեանութեան յաջորդ մրցումը պիտի կատարեն Հինգշաբթի, 17 Նոյեմբեր 2022-ին, երեկոյեան ժամը 7.30-ին, Աթլասի դէմ, ՀԲԸՄ-ՀԵԸ-ի « Անդրանիկ» մարզադաշտին մէջ: