Հինգշաբթի, 24 Յունիս 2021-ին, առաւօտեան ժամը 10֊ին, Պրն. Հրայր Տանձիկեան, ներկայացնելով WAUHE-ը այցելութիւն մը տուաւ ՔԱՀԼ Պուրճ Համուտի Ազգային Ծերանոց, ուր զինք դիմաւորեց ծերանոցի տնօրէն Վերապատուելի Սեպուհ Թէրզեանը։
WAUHE, Սուրբ Էջմիածնի Կրօնասէր Տիկնանց Համախմբումը գործակցութեամբ RCBC, Rotary Club Beirut Cedars -ին, երկու OXYGEN Producer մեքենաներ նուիրեց Պուրճ Համուտի Ազգային Ծերանոցին։
Պրն. Հրայր Տանձիկեան մեծապէս գնահատեց տնօրէնութեան, աշխատակազմին ճիգը, որուն շնորհիւ ազգային ծերանոցը կը վերածուի սիրոյ ու հոգածութեան կեդրոն մեր հայ մամիկներուն և պապիկներուն։
