Լիբանանի իշխանությունները պլանավորում են օգոստոսի 4-ին Բեյրութում որոտած պայթյունի հանգամանքների հետաքննությունն ավարտել հինգ օրում: Օգոստոսի 5-ին այդ մասին ՕՏՎ հեռուստաալիքին հայտարարել Է Լիբանանի Մաքսային ծառայության ղեկավար Բադրի Դահերը, տեղեկացնում է «Արմենպրես»-ը:
«Մենք հուսով ենք հետաքննության ընթացքում հստակ արդյունքի անցնելու հինգ օրում»,- ասել Է նա: Ինչպես նշել է Լիբանանի մաքսատան ղեկավարը, համապատասխան ցուցում են տվել հանրապետության նախագահ Միշել Աունը եւ վարչապետ Հասան Դիաբը: Վերջին տվյալներով՝ զոհվել է ավելի քան 100 մարդ, շուրջ 4 հազարը տուժել է: Երկրում սուգ է հայտարարված, հաղորդել Է ՏԱՍՍ-ը: