Երէկ երեկոյեան Պէյրութը ցնցած պայթումին հետեւանքով զոհուած են աւելի քան 50 անձ եւ վիրաւորուած՝ 2500 հոգի:
Ինչ կը վերաբերի պայթումին պատճառած նիւթական վնասներուն, ապա վնասուած են ոչ միայն Պէյրութի նաւահանգիստի շրջանը, այլ անոր շրջակայքի արուարձանները ինչպէս՝ Պէյրութի կեդրոնական շրջանը, Ժըմմէյզի, Մար Մըխայէլ, Քարանթինա , Էշրէֆիէ, Պուրճ Համուտ եւ Տորա շրջանները։
Պայթումին ուժգնութեան պատճառով կարգ մը շրջաններ դարձած են անճանաչելի։
Նշենք,որ Պէյրութը ցնցած պայթումին իրական պատճառները ցարդ յստակ չեն եւ այդ մասին շրջանառութեան մէջ դրուած են մի քանի վարկածներ ինչպիսին եւ պայթուցիկ նիւթերով լեցուն պահեստանոցի մէջ հրդեհ ապա որպէս անոր հետեւանք՝ պայթում: Իսրայէլեան պատերազմական օդանաւի յարձակում զէնքի պահեստանոցի վրայ: Տարիներէ ի վեր այնտեղ պահուած քիմիական նիւթերու ինչ, որ պատճառով պայթում:
Առողջապահութեան նախարարութիւնը կոչ ուղղեց հիւանդանոցներուն՝ արագօրէն ընդունիլ բոլոր վիրաւորները։
Ուշագրաւ վկայութիւն մը տալով, Պէյրութի մէջ AFP-ի լրագրողը:
Նշենք, որ զոհերուն մէջ է նաեւ լիբանանահայ քաղաքական գործիչ՝ «Փաղանգաւոր» կուսակցութեան, ընդհանուր քարտուղար՝ Նազար Նաճարեանը։ Վիրաւորներուն մէջ կան մեծ թիւով հայ քաղաքացիներ:
