Զինծառայողների ապահովագրության հիմնադրամին այս տարվա հուլիսի 17-ից մինչև հուլիսի 21-ը ժամը 14։30-ի դրությամբ կատարվել է շուրջ 160 728 000 ՀՀ դրամի նվիրաբերություն։ «Արմենպրես»-ն այս մասին տեղեկացավ հիմնադրամի «Ֆեյսբուք»-ի էջից:
160 728 000 ՀՀ դրամի նվիրաբերությունից կայքի միջոցով` 23 %-ը, Paypal-ի միջոցով ` 12 տոկոսը, բանկային փոխանցման միջոցով՝ 65 տոկոսը:
Ավելի քան 2100 նվիրաբերություններ, որից կայքի միջոցով` 68 տոկոս-ը, Paypal-ի միջոցով` 24 տոկոսը, բանկային փոխանցման միջոցով՝ 8 տոկոսը: Նվիրաբերություններ են կատարվել շուրջ 46 երկրներում բնակվող հայրենակիցների կողմից։
Հիմնադրամին ամենաշատ նվիրաբերությունները կատարվել են Հայաստանից, այնուհետև ԱՄՆ-ից, Կանադայից, Ռուսաստանի Դաշնությունից, Ֆրանսիայից, Գերմանիայից և այսպես շարունակ:
Հուլիսի 20-ին, ի պատասխան բանակին աջակցել ցանկացողների բազմաթիվ զանգերի և հաղորագրությունների, վարչապետ Նիկոլ Փաշինյանի՝ հիմնադրամին նվիրատվություն կատարելու հորդորից ընդամենը 10 ժամ անց կատարվել էր շուրջ 1000 փոխանցում, ինչը նշանակում է, որ 40 վայրկյանը մեկ փոխանցում էր արվել Զինծառայողների ապահովագրության հիմնադրամին։
