Տավուշի մարզի Չինարի գյուղում Ադրբեջանական հրետակոծությունից վնասվել է բնակիչներից մեկի տունը և հարակից հացի փուռը: Վնասված շինությունների տեսանյութը հայտնվել է համացանցում:
Տեսանյութում բնակիչները պատմում են հրետակոծության հետևանքների մասին:
Հուլիսի 16-ի լույս գիշերը ժամը 03:40-ի սահմաններում ՀՀ ԶՈՒ դիրքապահները նկատել են հակառակորդի շարժ։ Անցնելով շրջանաձև պաշտպանության, հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։ Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը՝ կիրառելով ականանետ և Դ-30 հաուբից:
