Քորոնա ժահրով վարակուածներու թիւը վերջին 24 ժամուայ ընթացքին կրկնապատկուեցաւ երբ հաստատուեցաւ 66 վարակակիրներու պարագան:
Քորոնա ժահրով վարակուածներու ընդհանուր թիւը Լիբանանի մէջ այս ձեւով բարձրացաւ 2012-ի: Այսպէս յայտարարեց Առողջապահութեան նախարարութիւնը:
Երէկուայ վարակակիրներէն 44 անձերը տեղական վարակումներու արդիւնք էին մինչ 22-ն դուրսէն եկածներու շարքերէն:
Առողջապահութեան նախարարը նոր թիւը որակեց որպէս «ցնցիչ» եւ կոչ ուղղեց քաղաքացիներուն աւելի եւս զգոյշ ըլլալ իրենց կենցաղին մէջ:
Ցաւալի լուրը այն է, որ անպատասխանատու հիւանդ մը ներկայ եղած է հարսանեկան արարողութեան նաեւ ծովափ մը յաճախած է պատճառ դառնալով շատերու վարակումին ըսաւ նախարարը մամլոյ ասուլիսին ընթացքին:
