ՀՀ վարչապետ Նիկոլ Փաշինյանը զբոսնում է Երևանի փողոցներում և դիմակներ բաժանում հանդիպող քաղաքացիներին։ «Արմենպրես»-ի հաղորդմամբ՝ ՀՀ վարչապետը նաև շնորհակալություն է հայտնում քաղաքացիներին դիմակ կրելու համար։ Վարչապետը քաղաքացիներին հորդորում է դիմակը ճիշտ ձևով կրել։
Քաղաքացիներն էլ իրենց հերթին շնորհակալություն են հայտնում Փաշինյանին և իրենց երախտիքի խոսքը հայտնում ծավալած աշխատանքի համար։ Որոշ քաղաքացիներ իրենց հուզող հարցերով նաև մոտեցան Փաշինյանին։
Հայաստանում հունիսի 20-ին, ժամը 11: 00-ի դրությամբ հաստատվել է կորոնավիրուսային հիվանդության ընդհանուր 19708 դեպք, որոնցից 8854-ն` առողջացած: Ընդհանուր առմամբ, կորոնավիրուսային հիվանդությունից արձանագրվել է մահվան 332 դեպք:
