Հըզպալլայի առաջնորդ Հասան Նասրալլա հեռասփռուած ելոյթի մը ընթացքին երէկ ըսաւ, որ ամերիկեան նոր պատժամիջոցները կը միտին սովամահ ընել լիբանանցիները: Ան շեշտեց, որ իր կազմակերպութիւնը պիտի չընկրկի ամերիկեան վերջին արարքներուն դիմաց:
«Կայսեր Քաղաքացիական Պաշտպանութեան Օրէնք անուամբ պատժամիջոցները կը միտին Լիբանանն ալ սովամահ ընել ինչպէս, որ Սուրիան» շեշտեց ան:
Նասրալլայի յայտարարութիւնը եկաւ վերոյիշեալ պատժամիջոցներու կիրառումէն օր մը առաջ:
«Անոնք (ամերիկացիները -խմբ.) կը փորձեն մեզի մղել այնպիսի իրավիճակի ուր մենք մեր զէնքերը պէտք է զիջինք հացի դիմաց: Մենք այս առեւտուրը պիտի չընդունինք» եզրափակեց Նասրալլան:
