Եթէ Քրիստափոր Գոլոմպոսը ամուսնացած լինէր, թերեւս երբեք չյայտնաբերէր Ամերիկա աշխարհամասը, քանի որ իր արկածախնդիր ճամբորդութիւնը ծրագրելու փոխարէն՝ ժամանակ պիտի վատնէր պատասխանելու իր կնոջ հետեւեալ հարցերին.
- Որտե՞ղ ես գնում:
- Ո՞ւմ հետ ես գնում:
- Ինչի՞ համար ես գնում:
- Ինչպէ՞ս ես գնում:
- Ինչո՞ւ միայն դու ես գնում:
- Մինչեւ քո վերադառնալը ես ի՞նչ անեմ:
- Կարո՞ղ եմ ես էլ քեզ հետ գալ:
- Ճիշտն ասա, նաւի մէջ ուրիշ կին էլ կա՞յ:
- Ճամբորդների ցանկը տուր տեսնեմ:
- Ե՞րբ ես վերադառնալու:
- Ի՞նչ նուէր ես բերելու ինձ համար:
- Դու դիտմամբ այս ճամբորդութիւնը ծրագրել ես՝ առանց իմ տեղեկութեան:
- Պատասխանի՛ր ինձ:
- Քո նպատակը այս ծրագրից ի՞նչ է:
- Ինչպէ՞ս լուր ստանամ քեզանից:
- Ի՞նչ իմանամ այնտեղ ինչ ղալաթ ես անում:
- Ես չեմ հասկանում՝ այս յայտնաբերումը ինչի՞ համար է:
- Միթէ չկա՞ր քեզանից բացի ուրիշը՝ այս յայտնաբերումը անէր:
- Դու միշտ այսպէս ես վարւում:
- Չեմ հասկանում՝ արդեօք դեռ մնացե՞լ է ուրիշ բան յայտնաբերելու:
- Ինչո՞ւ չես յայտնաբերում իմ կոտրուած սիրտը:
- Ես ուզում եմ քեզ հետ գալ:
- Մի ամիս սպասիր, որ մամաս ճամբորդութիւնից վերադառնայ, որ նա էլ մեզ հետ գայ:
- Ախր ես ու մամաս մինչեւ հիմա ոչ մի տեղ չենք յայտնաբերել:
Պարսկերէնից թարգմանեց Ռ.Օ.
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը
