ԱՄՆ-ում ոստիկանների կողմից աֆրոամերիկացի Ջորջ Ֆլոյդի սպանության հետ կապված բողոքի ցույցի և անկարգությունների պատճառով պարետային ժամ է սահմանվել 40 քաղաքներում։
Ինչպես տեղեկացնում է «Արմենպրես»–ը, այս մասին հայտնում է ՏԱՍՍ լրատվական գործակալությունը։
Հունիսի 1-ին նման միջոցառում է ձեռնարկվել ԱՄՆ-ի խոշորագույն քաղաքում՝ Նյու Յորքում։
Նյու Յորքի քաղաքապետ Բիլ դը Բլասիոն հայտարարել է քաղաքում երկուշաբթի 23: 00-ից մինչև երեքշաբթի ժամը 5:00-ն պարետային ժամ:
Գործադիրի հրամանից երևում է, որ հատկապես այս ժամերի ընթացքում դժվար է պահպանել հասարակական կարգը: Սահմանափակումները մտցված են քաղաքացիների անվտանգությունը և գույքի անվտանգությունը երաշխավորելու, ինչպես նաև նոր կորոնավիրուսի տարածումը կանխելու համար:
