Լիբանանի նախարարաց խորհուրդը իր երէկուան նիստին պետական պաշտօններու նշանակումներու խնդրայարոյց թղթածրարը յետաձգեց յաջորդ Հինգշաբթի օրուայ նիստին:
Այս բանը կատարուեցաւ թեթեւցնելու համար արդէն իսկ թէժ մթնոլորտը երբ նախորդ օր խորհրդարանին նիստը ընդհատուեցաւ ընդհանուր ներումի հարցով օրէնքի վաւերացումի աշխատանքի պահուն, որ այնպէս ալ չվաւերացուեցաւ:
Տեղեկատուութեան նախարարը նիստի աւարտին լրագրողներուն տեղեկացուց, որ յետաձգման պատճառը առաջարկուած անուններու շուրջ տարակարծութիւնը չէ այլ անոնց շուրջ ընդհանուր համաձայնութեան գալու փորձը:
Նախարարը անուններ չտուաւ: