Հայաստանի նախագահ Արմէն Սարգսեանի հետ հեռաձայնային զրոյց մը ունեցաւ ամերիկահայ գործարար եւ բարերար Նուպար Աֆէեան:
Ամերիկեան Moderna ընկերութիւնը, որուն համահիմնադիրը եւ գլխաւոր տնօրէնն է Աֆէեան՝ աշխոյժ աշխատանք կը տանի «Քորոնա» ժահրին դէմ պատուաստ մը մշակելու ուղղութեամբ եւ մարդոց վրայ փորձարկումներու առաջին փուլին արձանագրուած են յուսալից արդիւնքներ:
«Այդ մասին Նուպար Աֆէեանը տեղեկացուցած է նախագահ Սարգսեանին, նշելով, որ պատուաստանիւթի փորձարկումներուն առաջին փուլը յաջողութեամբ անցած է։ Նախագահ Սարգսեան յաջողութիւն մաղթած է Նուպար Աֆէեանին իր ձեռնարկներուն մէջ՝ ակնկալելով, որ փորձի ու գիտելիքի համադրութիւնը պիտի հանգեցնէ դրական արդիւնքներու: Հանրապետութեան նախագահն ու ամերիկահայ գործարարը մտքեր փոխանակած են նաեւ Հայաստանի մէջ համաճարակի հետ կապուած իրավիճակի եւ անոր հետեւանքներու յաղթահարման ուղիներուն շուրջ: Նախագահը ընդգծած է համատեղ ուժերով իրավիճակը յաղթահարելու կարեւորութիւնը՝ նշելով, որ միայն միասնական ջանքերով հնարաւոր է դուրս գալ այս նոր փորձութիւնէն»,- ըսուած է նախագահի մամլոյ գրասենեակին տարածած հաղորդագրութեան մէջ:
