Լիբանան-Սուրիա սահմանային անօրինական անցքերը միշտ ալ խնդրայարոյց եղած են, թէ ապահովական եւ թէ տնտեսական իմաստով:
Ներկայ պահուն երբ Լիբանան տնտեսական լուրջ ճգնաժամի մէջ է, այդ անվերահսկելի անցքերը աւեր կը գործեն կացութիւնը աւելի եւս վատթարացնելու, ուրկէ դէպի սուրիա դուրս կու գան կենսական նիւթեր, որոնք այնքան կարեւոր են Լիբանանի ժողովուրդին համար:
Ընդհանուր ապահովութեան տնօրէն Զօր. Ապպաս Իպրահիմ լաւատեսութիւն յայտնեց, որ այդ բացթողումը շուտով պիտի կարգաւորուի:
Ան իր յայտարարութիւնը ըրաւ Խորհրդարանի նախագահ՝ Նապիհ Պըրրիի տուած իր այցելութեան միջոցին:
Ան խորհրդարանի նախագահին զեկուցեց վերջերս այս օրակարգով Սուրիա իր այցելութեան մասին, որուն ընթացքին ան, այնտեղի պատկան մարմիններուն հետ հանդիպած էր այս հարցին կարգաւորման համար:
Միւս կողմէ երէկ Առողջապահութեան նախարարութեան տուեալներով Լիբանանի մէջ արձանագրուած են, Քորոնա ժահրով վարակուած 7 նոր պարագաներ: Մահուան դէպք չէ պատահած:
