Հայաստանի Մարդասիրական առաքելութիւն իրականացնող բժշկական խումբը Հալէպի մէջ Հայաստանի գլխաւոր հիւպատոսութեան հետ համագործակցութեամբ կը շարունակէ Հալէպի զինուորական հիւանդանոցին եւ այլ բժշկական հաստատութիւններուն փոխանցել բժշկական եւ այլ անհրաժեշտ պարագաներ:
Ինչպէս կը տեղեկացնեն «Մարդասիրական ականազերծման եւ փորձագիտական կեդրոն» ՊՈԱԿ-էն, բժշկական կեդրոններու ղեկավարները հայ մասնագէտներուն յայտնած են իրենց երախտագիտութիւնը` տրամադրուած անհրաժեշտ պարագաներու եւ բժշկական հաստատութիւններու մէջ ամէն օր ցուցաբերուող օժանդակութեան համար:
Հալէպի զինուորական հիւանդանոցի պետ, զօրավար Ֆայէզ Այուպին բարձր գնահատած է հայ եւ սուրիացի բժիշկներու համատեղ ջանքերը, աշխատանքի հանդէպ անմնացորդ նուիրումը եւ շնորհակալութիւն յայտնած է Հայաստանի մարդասիրական խումբին` մշտական աջակցութեան համար:
