Հայաստանի մէջ, 17 մայիսին, ժամը 11:00-ի դրութեամբ, հաստատուած է «Քորոնա» ժահրային հիւանդութեան ընդհանուր 4472 դէպք, որոնցմէ 1925-ը` առողջացած:
Այս մասին նշուած է ՀՀ առողջապահութեան նախարարութեան Հիւանդութիւններու վերահսկման եւ կանխարգելման ազգային կեդրոնի կայքին մէջ:
«Քորոնա» ժահրային հիւանդութեամբ այս պահուն փաստացի բուժում կը ստանայ 2463 վարակակիր: Ընդհանուր առմամբ, կատարուած է 40 230 քննութիւն: Այսպիսով` կայ «Քորոնա» ժահրային հիւանդութեամբ հաստատուած 189 նոր դէպք եւ 134 առողջացած։
Ընդհանուր առմամբ, «Քորոնա» ժահրային հիւանդութենէն արձանագրուած է մահուան 60 (աւելցած է եւս 5-ով) դէպք:
ՀՀ առողջապահութեան նախարարութենէն յայտնած են, որ մահացած հիւանդները եղած են 51 տարեկան տղամարդ, 78 տարեկան տղամարդ, 89 տարեկան կին, 80 տարեկան կին եւ 79 տարեկան տղամարդ, եւ ունեցած են ուղեկցող քրոնիկական հիւանդութիւններ։
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը
