Լիբանանի Հանրապետութեան նախագահ Զօր. Միշէլ Աուն կոչ ըրաւ լիբանանցիներուն աղօթելու, եւ խնդրելու Աստուծմէ, որ փրկէ մարդկութիւնը «Քորոնա» համաճարակի սպառնալիքէն:
Նախագահ Աուն այս կոչը ըրաւ, արձագանգելով Հռոմի Պապ Ֆրանչիսկոսի եւ Շէյխ Ալ-Ազհարի համաճարակին համար միացեալ աղօթք կատարելու կոչերուն։
Նախագահ Աուն նաեւ նշեց, որ «այս բանը ի սրտէ եւ խիղճէ բխած նախաձեռնութիւն է, որ հովանաւորուած է Հռոմի Պապ Ֆրանչիսկոսի եւ Շեյխ Ալ-Ազհարի կողմէ եւ կու գայ «Մարդու երկխօսութեան ակադեմիա»ն հիմնելու նպատակէն»:
Ան նաեւ ըսաւ. «Թող միախառնուին մինարէթներու հնչիւնները զանգերու ձայներուն հետ, եւ թող լռեն բոլոր այն ձայները, որոնք կը խանգարեն մեր ազգային միասնութիւնը»:
