Լիբանան այսօր երեկոյեան պիտի մտնէ ամբողջական փակումի հանգրուանի մէջ, որ պիտի տեւէ 4 օր: Այս մասին որոշում կայացուց կառավարութիւնը երէկուայ իր ժողովին ընթացքին: Նախարարաց խորհուրդը այս որոշումին հանգեցաւ երբ որոշ նուազումէ ետք քորոնա ժահրով վարակակիրներու համեմատաբար մեծ թիւեր սկսան արձանագրուիլ վերջին օրերուն:
Ընդհանուր փակումը ընթացք պիտի առնէ այս երեկոյեան ժամը 19:00ին եւ պիտի տեւէ մինչեւ յառաջիկայ Երկուշաբթի առաւօտ: Բացառութիւններու մասին հաղորդագրութիւն մը կը հրապարակուի շուտով Ներքին գործոց նախարարութեան կողմէ::
Իրավիճակի վերարժեւորումը պիտի կատարուի յառաջիկայ Կիրակի երեկոյեան եւ ըստ այնմ որոշում կայացուի Երկուշաբթի դարձեալ բանալու առնչութեամբ:
Քաղաքացիներէն պահանջուած է մնալ իրենց տուները եւ դուրս չգալ բացի չափազանց անհրաժեշտ պարագաներու համար:
Մինչ այդ Առողջապահութեան նախարարութիւնը պիտի բազմապատկէ իր ճիգերը աւելի եւս մեծ թիւով քաղաքացիներու համար քննութիւններ անցնելու:
Լիբանանի տարածքին երէկ, 11 նոր վարակակիրներ գրանցուեցան ընդհանուր թիւը հասցնելով՝ 870-ի:
Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը
