Լիբանանի տարածքին քորոնա ժահրով վարակուած 36 հիւանդներ արձանագրուեցան երէկ: Այս համեմատաբար բարձր թիւը մտահոգութիւն պատճառեց կարգ մը մասնագէտներու, որոնք զգուշացուցին վարակի երկրորդ ալիքէ մը, որ հաւանական է եթէ պետութիւնը պէտք եղած միջոցներուն չձեռնարկէ:
Այս նոր թիւով, Լիբանանի մէջ վարակուածներու ընդհանուր թիւը հասաւ 845-ի:
Նոր գրանցուածներուն 23-ը տեղական վարակ են իսկ 13-ը՝ Լիբանան նոր վերադարձած քաղաքացիներուն շարքերէն:
Նշենք, որ վարակուողներու թիւը անցեալ Հինգշաբթի օրուընէ սկսեալ յարատեւ աճ կ՛արձանագրէ:
