Ռուսաստանում կորոնավիրուսով վարակվածների թիվը վերջին մեկ օրում ավելացել է 10 հազար 699-ով՝ դառնալով 187 հազար 589:
«Արմենպրես»-ի հաղորդմամբ, ՏԱՍՍ գործակալությունը, ներկայացնելով կորոնավիրուսի տարածման դեմ պայքարի օպերատիվ շտաբի տվյալները, հայտնում է, որ ընդհանուր առմամբ ապաքինվել է 26 հազար 608 մարդ, մահացածների թիվը 1723 է:
Կենտրոնական շտաբի տվյալներով, վարակվածների մենօրյա աճի տեմպը կազմում է 6 տոկոս, ինչը վարակի բռնկումից ի վեր ամենացածր ցուցանիշն է:
Նշվում է, որ վարակվածության նոր դեպքերից 78.9 տոկոսի մոտ ախտանշաններ չեն եղել:
