ՀՀ ՊՆ ԶՈւ ժամկետային անձնակազմի 74 տոկոսն արդեն սնվում է նոր սննդակարգով, իսկ մայիսի 8-ից թիվը կհասնի 90 տոկոսի։
«Արմենպրես»-ի հաղորդմամբ՝ այս մասին տեղեկացրել է ՀՀ պաշտպանության նախարարի մամուլի խոսնակ Շուշան Ստեփանյանը։
«Առաջնագծում տեղադրվել են 225 գերժամանակակից տեսադիտարկման սարքեր։ Արդյունաբերական հոսանք է ստացել 64, մշտական ջրով է ապահովվել 134 մարտական դիրք։ Մոդուլային բաղնիք է կահավորվել 35 մարտական դիրքում։ Մարտական դիրքերի անձնակազմի 54 տոկոսը սնվում է նոր սննդակարգով»,- գրել է Ստեփանյանը, ով մեջբերում է արել կառավարության ծրագրի կատարման ընթացքի և արդյունքների մասին ՀՀ վարչապետ Նիկոլ Փաշինյանի տարեկան զեկույցի տվյալներից։
