ԳՈՅԺ

Ճինիշեան Յիշատակի Ձեռնարկի Լիբանանի Խորհրդատու Մարմինը,

 Ճինիշեան Ընկերակցութիւնը, Տնօրէնութիւնը եւ Պաշտօնէութիւնը

այսու կուգան խոր ցաւով գուժել մահը՝

Տոքթ. Ռոբովթ Տիմոթէոս ՉՈՐՊԱՃԵԱՆի

Որ իր սիրելի բժշկապետ Յիսուս Փրկչին միացաւ

11 Ապրիլ 2020-ին  Փասատինայի մէջ, ԱՄՆ

1957-էն ի վեր,  զուգահեռ իր բժշկական ծառայութիւններուն, ան եղաւ սրտակից բարեկամը անկարին, խորհրդատուն հայ պատանիին ու երիտասարդին, նուիրեալ , անխտրական, ազգասէր հոգեւոր առաջնորդը՝ Աստուծոյ բոլոր զաւակներուն:

Առ այդ,  Ճինիշեան Յիշատակի Ձեռնարկի զանազան յանձնախումբերուն մէջ ծառայելը առանձնաշնորհում  նկատեց՝  ինչպէս Մանկամսուրի, Բժշկական եւ յատկապէս  իբր Լիբանանի Խորհրդատու Մարմնի անդամ ապա ատենապետ՝ Լիբանանեան 15-ամեայ եւ յետ պատերազմի դժուար տարիներուն: Միեւնոյն ատեն Ճինիշեան Հիմնադրամի խնամատար՝ Ամերիկայի Երիցական Եկեղեցիին շաղկապը հանդիսացաւ Միջին արեւելքի տնօրէն՝ Պրն. Հայկ Թիլպեանի հետ: Ան նաեւ քաջալերական դերակատարութիւն ունեցաւ՝ իբր Լիբանանեան բարեսիրական հաստատութիւն Ճինիշեանի ճանաչումի աշխատանքներուն մէջ:

Քրիստոս, Իր օրհնութիւնները հայ ազգի ամենաչքաւոր զաւակներուն բաշխեց այս համեստ, անձնազոհ ու ազգանուէր վկային  միջռցաւ:

Ս. Հոգիին մխիթարութիւնը մեր բոլորին:

                                                                                                          Տնօրէնութիւն

Աջակցէ՛ ԶԱՐԹՕՆՔ-ին. Ապահովէ՛ Անոր Գոյերթը