Հայոց Ցեղասպանութեան զոհերու յիշատակի, Շուշիի ազատագրութեան եւ Բ. Համաշխարհային պատերազմին տարուած յաղթանակի օրերուն տեղի ունենալիք նախաձեռնութիւններուն՝ «Քորոնա» ժահրի տարածումը կանխարգիլելու քայլերու ծիրին մէջ, պիտի սահմանափակուի քաղաքացիներուն մասնակցութիւնը: Այս մասին «Ֆէյսպուք»ի իր էջի ուղիղ եթերով յայտնեց վարչապետ Նիկոլ Փաշինեան:
«Այս ձեռնարկներուն քաղաքացիներու մասնակցութիւնը պէտք է սահմանափակուի: Եթէ մենք թոյլ տանք, որ մասնակցութիւնը սովորական ընթացակարգով ըլլայ, ապա կ’ունենանք “Քորոնա” ժահրի համավարակի անվերահսկելի բռնկում: Ապրիլ 24-ին, Մայիս 8-ին եւ 9-ին տեղի պիտի ունենան միայն արարողակարգային ձեռնարկներ, զանգուածային ձեռարկներ պիտի չըլլան», տեղեկացուց Փաշինեան:
