Առողջապահութեան նախարար Համատ Հասան երէկ յայտարարեց, որ տակաւին անյստակ է Լիբանանի մէջ քորոնա ժահրի գործելիք աւերը: Այս պատճառով տակաւին պէտք է շարունակել չափազանց զգոյշ ըլլալ ըսած է նախարարը:
«Մենք տակաւին վտանգի գօտիին Մէջն ենք եւ փոթորիկին կիզակեդրոնը, որ կրնայ մեզի սայթաքեցնել եթէ չափազանց զգոյշ չշարժինք». Հաստատեց նախարարը ասուլիսի մը ընթացքին:
Նշենք, որ առողջապահական իրավիճակին այս անկայուն օրերուն կառավարութիւնը այսօր պիտի փորձէ Կեդրոնական Դրամատան մէջ կարգ մը պաշտօններու վրայ անձեր նշանակել:
Աւելցնենք, որ գետնի վրայ ապահովական իրավիճակն ալ շատ կայուն չէ մանաւանդ Թրիփոլիի մէջ ուր անկարգութիւններ կը գրանցուին:
