Մինչ երէկ առաւօտուն Առողջապահութեան նախարարը յայտարարած էր, որ 37 նոր վարակակիրներ արձանագրուած են Լիբանանի մէջ, «քորոնա» ժահրով վարակուածներու թիւը Լիբանանի մէջ հասցնելով 304ի, երեկոյեան 14 հոգի ալ գալով աւելնալու այս թիւին վրայ զայն բարձրացուց 318-ի:
Լաւ լուրը այն է, մինչեւ օրս արձանագրուած հիւանդներէն 8-ն կատարելապէս բուժուած է:
Նախագահ Միշէլ Աուն յատկանշական քայլով մը երէկ սքայփով կապուեցաւ Պէյրութի Ռաֆիք Հարիրիի անուանպետական հիւանդանոցին եւ Կարմիր Խաչի կեդրոնին պատասխանատուներուն հետ:
«Մենք ամէն բան պիտի ընենք, որպէսզի կարենանք գոհացնել պետական հիւանդանոցներու մէջ աշխատողներուն, ինչպէս նաեւ ամէն կարելի կապերը պիտի հաստատենք օտար երկիրներու հետ պէտք եղած պիտոյքը ապահովելու համար». իր հանդիպման ընթացքին ըսած է Նախագահ Աուն:
