Ազատ Արցախի Համապետական Ընտրութիւններ – Հարցազրոյց 2 –
Շուտով համապետական ընտրութիւններ են Արցախի մէջ: Իր, որպէս անկախ պետութիւն գոյերթին ընթացքին Արցախի ժողովուրդն ու անոր պետականութիւնը փաստեց, որ հակառակ այն դրութեան, որ ան որպէս պետութիւն տակաւին մաս չի կազմէր միջազգային ընտանիքին, սակայն արժանի է իր անկախութեան եւ իր մօտ ժողովրդավարական սկզբունքները իսկական արժէքներ են: Մինչ ինքզինք այսպէս կոչուած կայացած պետութիւն յորջորջող Ազրպէյճանը ամէն առիթով կը փաստէ, որ ինք տակաւին երկա՜ր ճանապարհ ունի կտրելիք ժողովրդավարութեան ճամբուն վրայ եւ շա՜տ սորվելիք ունի Արցախէն՝ այն հողատարածքէն որուն իրաւատէրը կը յաւակնի ըլլալ:
Այս առիթով կազմակերպած ենք հարցազրոցներու շարք մը Արցախի Հանրապետութեան նախագահութեան բոլոր թեկնածուներուն հետ անխտիր: Այս մէկը առիթ մըն է մեր ընթերցողներուն՝ հակիրճ կերպով սակայն մօտէն ծանօթանալու իւրաքանչիւր թեկնածուին:
Մեր հարցազրոյցներու այս շարքին երկրորդ հիւրը հանդիսացաւ Արցախի Հանրապետութեան ԱԺ նախկին պատգամաւոր, «Անկախութեան սերունդ» կուսակցութեան կողմէ առաջադրուած թեկնածու Ռուսլան Իսրայէլեանը: Իր հետ զրուցած է Երեւանի մեր աշխատակիցը: Ստորեւ հարցազրոյցը:
«Խմբ.»
Ռուսլան Իսրայէլեանը ծնուել է 1961թ. հոկտեմբերի 19-ին Լեռնային Ղարաբաղի Մարտունու շրջանի Բերդաշէն գիւղում: Աշխատանքային գործունէութեան ընթացքում զբաղեցրել է բարձր պաշտօններ, ծառայել է ԼՂՀ ՊԲ Կենտրոնական պաշտպանական շրջանում որպէս վաշտի հրամանատարի եւ ապա` գումարտակի հրամանատարի տեղակալ: Մասնակցել է Շուշիի եւ մի շարք այլ բնակավայրերի ազատագրման համար մղուած մարտերին: 1997թվականի Յուլիսից մինչեւ տարուայ վերջ ծառայել է ԼՂՀ զինուորական դատախազութիւնում` որպէս յատուկ բաժնի պետ: 1998-2000թթ. աշխատել է ԼՂՀ հարկային պետական վարչութիւնում` որպէս տեսչական այնուհետեւ օբերադիւ վարչութիւնների պետ: Եղել է «Ազատ Հայրենիք» կուսակցութեան անդամ եւ ԱԺ-ի համանուն խմբակցութեան անդամ: Սակայն 2018 թուականի Յունիսի 7-ից դադարեցրել է անդամակցութիւնը կուսակցութեանը եւ խորհրդարանական խմբակցութեանըՙ մնալով որպէս անկախ պատգամաւոր: Պարգեւատրուել է «Մարտական խաչ» 1-ին աստիճանի շքանշանով «Մեսրոպ Մաշտոց», «Շուշիի ազատագրման համար», «Մարշալ Բաղրամեան» մետալներով, «Մայրական երախտագիտութիւն Արցախի քաջորդիներին» եւ մի շարք այլ յուշամետալներով:
– Պարոն Իսրայէլեան, շնորհակալ եմ հարցազրոյցի խնդրանքը չմերժելու համար: Նախ ուզում եմ իմանալ ինչպէ՞ս է անցնում քարոզարշաւը: Քանի գիւղ ու քաղաք էք հասցրել այցելել եւ ինչպիսին է մարդկանց տրամադրուածութիւնն ընտրութիւններին: Լարուածութիւն կա՞յ, որի մասին նախընտրական շրջանում խօսում էիք:
– Նախընտրական հանդիպումներն անցնում են բաւականին անմիջական ու ջերմ մթնոլորտում: Քարոզարշաւը մեկնարկել եմ իմ հայրենի գիւղում՝ Բերդանմանում, եւ շարունակում եմ հանրապետութեան շրջկենտրոններում: Չնայած թեկնածուների բազմաքանակութեանը՝ բնակչութեան հետաքրքրութիւնը մեծ է, քանի որ Արցախի ժողովուրդը սպասում է փոփոխութիւնների: Իշխանութիւնները այնպէս են ձեւացնում, իբր քարոզարշաւը օրէնքի համապատասխան է անցկացւում, բայց իրականում գործող իշխանութիւնների եւ իշխանական թեկնածուների ազդեցութիւնները մեծ են՝ իմ հանդիպումներին հանրութեան մասնակցութիւնը սահմանափակելու հարցում: Այս բոլոր հանգամանքների պատճառով՝ նախընտրական շրջանում իմ կողմից նշուած լարուածութիւնը առկայ է նաեւ քարոզարշաւի ընթացքում:
– Ի՞նչ կը փոխուի Արցախում Ձեր ընտրուելու դէպքում:
– Իմ ընտրուելու դէպքում, ես վերադարձնելու եմ իշխանութեան եւ պետութեան հանդէպ ժողովրդի կորցրած հաւատը: Երկրում ստեղծելու եմ օրէնքի գերակայութիւն, բոլորը հաւասար են լինելու օրէնքի առաջ, վերականգնելու եմ սոցիալական արդարութիւնը, անհաշտ պայքար եմ մղելու փտածութեան եւ հովանաւորչութեան դէմ եւ դրանով հանդերձ ապահովելու եմ Արցախում ապրելու գրաւչութիւնը:
– Ինչպէ՞ս էք պայքարելու ներքին ու արտաքին մարտահրաւէրներին, որոնք առկայ են Արցախի հարցում:
– Մենք ապրում ենք մի այնպիսի տարածաշրջանում, որտեղ արտաքին մարտահրաւէրները միշտ էլ առկայ են լինելու: Պարզապէս ես ստեղծելու եմ հզօր պետութիւն, ուժեղ բանակ, որպէսզի ոչ ոք չհամարձակուի մեզ հետ խօսել ուժի դիրքերից, զարգացած տնտեսութիւն եւ բոլոր առումներով առողջ հասարակութիւն: Այս բոլորը կը նպաստեն նաեւ ներքին մարտահրաւէրների լուծմանը:
– Ձեր հարցազրոյցներից մէկում նշել էք, որ չնայած առաջադրուել էք, սակայն չէք բացառում ընթացքում այլ թեկնածուի սատարելու հնարաւորութիւնը: Ո՞ր դէպքում էք պատրաստ այլ թեկնածուի սատարել եւ ու՞մ:
– Ես մտել եմ ընտրապայքարի մէջ՝ մինչեւ վերջ պայքարելու համար: Ընտրապայքարից դուրս գալու ոչ մի պատճառ չունեմ: Իմ կարծիքով լինելու է երկրորդ փուլ: Երկրորդ փուլ չմտնելու պարագայում՝ կը սատարեմ իմ ընդդիմադիր հայացքներն ու ծրագրերը կիսող թեկնածուին:
– Նախընտրական շրջանում Դուք մտավախութիւն էք յայտնել, որ ընտրութիւնները չեն լինելու ազատ ու թափանցիկ: Մինչ այս պահը դրա մասին վկայող որեւէ քայլ եղե՞լ է գործող իշխանութիւնների կողմից: Որպէս ընդդիմադիր գործիչ, Ձեր յաղթելու հաւանականութիւնը ինչքա՞ն էք գնահատում:
– Ընտրութիւնների ազատ եւ թափանցիկ անցնելը չի որոշւում ընտրութեան օրը: Օրէնքի խախտումներով քարոզարշաւը որոշ թեկնածուների կողմից սկսուել է մինչեւ պաշտօնապէս յայտարարուելը: Այդ կապակցութեամբ իրաւապահ մարմինների եւ կենտրոնական ընտրական յանձնաժողովի կողմից որեւէ քայլեր չեն ձեռնարկուել: Մնում եմ նախընտրական շրջանում իմ յայտնած այն տեսակէտին, որ ընտրութիւններն արդար եւ թափանցիկ չեն անցնելու:
Սակայն յոյս ունեմ, որ Հայաստանում տեղի ունեցած թաւշեայ յեղափոխութիւնից յետոյ Արցախում որոշ կարծրատիպեր կը կոտրուեն եւ ժողովուրդը կը գիտակցի, որ շատ բան է կախուած իրենից: Այս գիտակցումից է կախուած իմ ընտրուելու հաւանականութիւնները:
– ՀՀ վարչապետ Նիկոլ Փաշինեանը արցախցիներին կոչ էր արել չքուէարկել այն թեկնածուի օգտին, ով դէմ է ՀՀ օրինապէս ընտրուած իշխանութեանը: Այս կոչը որեւէ ազդեցութիւն ունեցե՞լ է արցախցիների վրայ:
– Արցախցիները քաջ գիտակցում են, որ ԱՀ եւ ՀՀ իշխանութիւնները պէտք է ունենան բարձր մակարդակի բարիդրացիական յարաբերութիւններ: Այս ամենով ամեն ինչ արդէն ասուած է:
– Ձեր ընտրուելու դէպքում այդ բարձր մակարդակի բարիդրացիական յարաբերութիւնները կը լինե՞ն:
– Միանշանակ: Եւ ասեմ, որ կարեւոր չեն անձերը: Բոլոր ժամանակներում էլ պէտք է այդպէս լինի: Արցախի ու Հայաստանի իշխանութիւնների միջեւ պէտք է բարիդրացիական յարաբերութիւններ լինեն:
– Շնորհակալ եմ հարցազրոյցի համար:
«Զարթօնք» օրաթերթի նախորդ հարցազրոյցը Արցախի կին թեկնածու Բելլա Լալայեանի հետ կարող էք կարդալ հետեւեալ յղումով:
Զրուցեց՝ ՔՐԻՍԹԻՆԱ ԱՂԱԼԱՐԵԱՆ
«Զարթօնք»ի Երեւանի Աշխատակից
Ազատ Արցախի Համապետական Ընտրութիւններ – Հարցազրոյց 2 –
Շուտով համապետական ընտրութիւններ են Արցախի մէջ: Իր, որպէս անկախ պետութիւն գոյերթին ընթացքին Արցախի ժողովուրդն ու անոր պետականութիւնը փաստեց, որ հակառակ այն դրութեան, որ ան որպէս պետութիւն տակաւին մաս չի կազմէր միջազգային ընտանիքին, սակայն արժանի է իր անկախութեան եւ իր մօտ ժողովրդավարական սկզբունքները իսկական արժէքներ են: Մինչ ինքզինք այսպէս կոչուած կայացած պետութիւն յորջորջող Ազրպէյճանը ամէն առիթով կը փաստէ, որ ինք տակաւին երկա՜ր ճանապարհ ունի կտրելիք ժողովրդավարութեան ճամբուն վրայ եւ շա՜տ սորվելիք ունի Արցախէն՝ այն հողատարածքէն որուն իրաւատէրը կը յաւակնի ըլլալ:
Այս առիթով կազմակերպած ենք հարցազրոցներու շարք մը Արցախի Հանրապետութեան նախագահութեան բոլոր թեկնածուներուն հետ անխտիր: Այս մէկը առիթ մըն է մեր ընթերցողներուն՝ հակիրճ կերպով սակայն մօտէն ծանօթանալու իւրաքանչիւր թեկնածուին:
Մեր հարցազրոյցներու այս շարքին երկրորդ հիւրը հանդիսացաւ Արցախի Հանրապետութեան ԱԺ պատգամաւոր, «Անկախութեան սերունդ» կուսակցութեան կողմէ առաջադրուած թեկնածու Ռուսլան Իսրայէլեանը: Իր հետ զրուցած է Երեւանի մեր աշխատակիցը: Ստորեւ հարցազրոյցը:
«Խմբ.»
Ռուսլան Իսրայէլեանը ծնուել է 1961թ. հոկտեմբերի 19-ին Լեռնային Ղարաբաղի Մարտունու շրջանի Բերդաշէն գիւղում: Աշխատանքային գործունէութեան ընթացքում զբաղեցրել է բարձր պաշտօններ, ծառայել է ԼՂՀ ՊԲ Կենտրոնական պաշտպանական շրջանում որպէս վաշտի հրամանատարի եւ ապա` գումարտակի հրամանատարի տեղակալ: Մասնակցել է Շուշիի եւ մի շարք այլ բնակավայրերի ազատագրման համար մղուած մարտերին: 1997 թվականի Յուլիսից մինչեւ տարուայ վերջ ծառայել է ԼՂՀ զինուորական դատախազութիւնում` որպէս յատուկ բաժնի պետ: 1998-2000թթ. աշխատել է ԼՂՀ հարկային պետական վարչութիւնում` որպէս տեսչական այնուհետեւ օբերադիւ վարչութիւնների պետ: Եղել է «Ազատ Հայրենիք» կուսակցութեան անդամ եւ ԱԺ-ի համանուն խմբակցութեան անդամ: Սակայն 2018 թուականի Յունիսի 7-ից դադարեցրել է անդամակցութիւնը կուսակցութեանը եւ խորհրդարանական խմբակցութեանըՙ մնալով որպէս անկախ պատգամաւոր: Պարգեւատրուել է «Մարտական խաչ» 1-ին աստիճանի շքանշանով «Մեսրոպ Մաշտոց», «Շուշիի ազատագրման համար», «Մարշալ Բաղրամեան» մետալներով, «Մայրական երախտագիտութիւն Արցախի քաջորդիներին» եւ մի շարք այլ յուշամետալներով:
– Պարոն Իսրայէլեան, շնորհակալ եմ հարցազրոյցի խնդրանքը չմերժելու համար: Նախ ուզում եմ իմանալ ինչպէ՞ս է անցնում քարոզարշաւը: Քանի գիւղ ու քաղաք էք հասցրել այցելել եւ ինչպիսին է մարդկանց տրամադրուածութիւնն ընտրութիւններին: Լարուածութիւն կա՞յ, որի մասին նախընտրական շրջանում խօսում էիք:
– Նախընտրական հանդիպումներն անցնում են բաւականին անմիջական ու ջերմ մթնոլորտում: Քարոզարշաւը մեկնարկել եմ իմ հայրենի գիւղում՝ Բերդանմանում, եւ շարունակում եմ հանրապետութեան շրջկենտրոններում: Չնայած թեկնածուների բազմաքանակութեանը՝ բնակչութեան հետաքրքրութիւնը մեծ է, քանի որ Արցախի ժողովուրդը սպասում է փոփոխութիւնների: Իշխանութիւնները այնպէս են ձեւացնում, իբր քարոզարշաւը օրէնքի համապատասխան է անցկացւում, բայց իրականում գործող իշխանութիւնների եւ իշխանական թեկնածուների ազդեցութիւնները մեծ են՝ իմ հանդիպումներին հանրութեան մասնակցութիւնը սահմանափակելու հարցում: Այս բոլոր հանգամանքների պատճառով՝ նախընտրական շրջանում իմ կողմից նշուած լարուածութիւնը առկայ է նաեւ քարոզարշաւի ընթացքում:
– Ի՞նչ կը փոխուի Արցախում Ձեր ընտրուելու դէպքում:
– Իմ ընտրուելու դէպքում, ես վերադարձնելու եմ իշխանութեան եւ պետութեան հանդէպ ժողովրդի կորցրած հաւատը: Երկրում ստեղծելու եմ օրէնքի գերակայութիւն, բոլորը հաւասար են լինելու օրէնքի առաջ, վերականգնելու եմ սոցիալական արդարութիւնը, անհաշտ պայքար եմ մղելու փտածութեան եւ հովանաւորչութեան դէմ եւ դրանով հանդերձ ապահովելու եմ Արցախում ապրելու գրաւչութիւնը:
– Ինչպէ՞ս էք պայքարելու ներքին ու արտաքին մարտահրաւէրներին, որոնք առկայ են Արցախի հարցում:
– Մենք ապրում ենք մի այնպիսի տարածաշրջանում, որտեղ արտաքին մարտահրաւէրները միշտ էլ առկայ են լինելու: Պարզապէս ես ստեղծելու եմ հզօր պետութիւն, ուժեղ բանակ, որպէսզի ոչ ոք չհամարձակուի մեզ հետ խօսել ուժի դիրքերից, զարգացած տնտեսութիւն եւ բոլոր առումներով առողջ հասարակութիւն: Այս բոլորը կը նպաստեն նաեւ ներքին մարտահրաւէրների լուծմանը:
– Ձեր հարցազրոյցներից մէկում նշել էք, որ չնայած առաջադրուել էք, սակայն չէք բացառում ընթացքում այլ թեկնածուի սատարելու հնարաւորութիւնը: Ո՞ր դէպքում էք պատրաստ այլ թեկնածուի սատարել եւ ու՞մ:
– Ես մտել եմ ընտրապայքարի մէջ՝ մինչեւ վերջ պայքարելու համար: Ընտրապայքարից դուրս գալու ոչ մի պատճառ չունեմ: Իմ կարծիքով լինելու է երկրորդ փուլ: Երկրորդ փուլ չմտնելու պարագայում՝ կը սատարեմ իմ ընդդիմադիր հայացքներն ու ծրագրերը կիսող թեկնածուին:
– Նախընտրական շրջանում Դուք մտավախութիւն էք յայտնել, որ ընտրութիւնները չեն լինելու ազատ ու թափանցիկ: Մինչ այս պահը դրա մասին վկայող որեւէ քայլ եղե՞լ է գործող իշխանութիւնների կողմից: Որպէս ընդդիմադիր գործիչ, Ձեր յաղթելու հաւանականութիւնը ինչքա՞ն էք գնահատում:
– Ընտրութիւնների ազատ եւ թափանցիկ անցնելը չի որոշւում ընտրութեան օրը: Օրէնքի խախտումներով քարոզարշաւը որոշ թեկնածուների կողմից սկսուել է մինչեւ պաշտօնապէս յայտարարուելը: Այդ կապակցութեամբ իրաւապահ մարմինների եւ կենտրոնական ընտրական յանձնաժողովի կողմից որեւէ քայլեր չեն ձեռնարկուել: Մնում եմ նախընտրական շրջանում իմ յայտնած այն տեսակէտին, որ ընտրութիւններն արդար եւ թափանցիկ չեն անցնելու:
Սակայն յոյս ունեմ, որ Հայաստանում տեղի ունեցած թաւշեայ յեղափոխութիւնից յետոյ Արցախում որոշ կարծրատիպեր կը կոտրուեն եւ ժողովուրդը կը գիտակցի, որ շատ բան է կախուած իրենից: Այս գիտակցումից է կախուած իմ ընտրուելու հաւանականութիւնները:
– ՀՀ վարչապետ Նիկոլ Փաշինեանը արցախցիներին կոչ էր արել չքուէարկել այն թեկնածուի օգտին, ով դէմ է ՀՀ օրինապէս ընտրուած իշխանութեանը: Այս կոչը որեւէ ազդեցութիւն ունեցե՞լ է արցախցիների վրայ:
– Արցախցիները քաջ գիտակցում են, որ ԱՀ եւ ՀՀ իշխանութիւնները պէտք է ունենան բարձր մակարդակի բարիդրացիական յարաբերութիւններ: Այս ամենով ամեն ինչ արդէն ասուած է:
– Ձեր ընտրուելու դէպքում այդ բարձր մակարդակի բարիդրացիական յարաբերութիւնները կը լինե՞ն:
– Միանշանակ: Եւ ասեմ, որ կարեւոր չեն անձերը: Բոլոր ժամանակներում էլ պէտք է այդպէս լինի: Արցախի ու Հայաստանի իշխանութիւնների միջեւ պէտք է բարիդրացիական յարաբերութիւններ լինեն:
– Շնորհակալ եմ հարցազրոյցի համար:
«Զարթօնք» օրաթերթի նախորդ հարցազրոյցը Արցախի կին թեկնածու Բելլա Լալայեանի հետ կարող էք կարդալ հետեւեալ յղումով:
Զրուցեց՝ ՔՐԻՍԹԻՆԱ ԱՂԱԼԱՐԵԱՆ
«Զարթօնք»ի Երեւանի Աշխատակից
