Ռամկավար Ազատական Կուսակցութեան Նիւ Եորք – Նիւ Ճըրզի Արմենական-Յովսէփեան Ակումբի Վարչութիւնը սրտանց կը շնորհաւորէ իր վարչութեան անդամ՝ Շահէ Նաւասարդ Սանենցը Ռաթկըրզ Համալսարանի (Նիւ Ճըրզի, ԱՄՆ) Հաղորդակցութեան եւ Տեղեկութեան Դպրոցի Կաճառէն դոկտորական աստիճանով վկայուելուն համար:
Շահէ Նաւասարդ Սանենց, որդին Փառէն (Գազանճեան) Սանենցի եւ Նազելի (ծնեալ Փարթամեան) Սանենցի, հիմնուելով հարցազրոյցներով եւ այլ միջոցներով ձեռք բերուած տուեալներու վերլուծումներուն վրայ, իր Երկլեզու Չափահասներու Տեղեկութիւն Փնտռելու եւ Գործածելու Վարքը խորագրեալ թէզով, ուսումնասիրած է ընդհանրապէս չսերտուած մարզ մը. թէ մէկէ աւելի լեզու կամ բարբառ գիտցող անհատներ – մարդկութեան կէսը – ինչպէ՞ս կը փոխյարաբերին տեղեկութեանց հետ։
Ընկ. Դոկտ. Սանենց արժանացած է նաեւ մաքիստրոսական վկայականին, կրթագիտութեան մէջ, Հարվըրտ Համալսարանէն (Մեսեչուսեց, ԱՄՆ) ու ներկայիս կը դասախօսէ Ռաթկըրզ Համալսարանէն ներս։ Ան վեթերան անդամ է Հայկական Բարեգործական Ընդհանուր Միութեան ու ներկայիս խորհրդական անդամներէն մին է Ռամկավար Ազատական Կուսակցութեան Նիւ Եորք-Նիւ Ճըրզի Արմենական-Յովսէփեան Ակումբի Վարչութեան։
Ռամկավար Ազատական Կուսակցութեան
Նիւ Եորք – Նիւ Ճըրզիի
Արմենական–Յովսէփեան Ակումբի Վարչութիւն
