Հայկական արժէքներու եւ մշակոյթի պահպանման կարեւոր նախաձեռնութեամբ մը, Զալքայի Հայ Կաթողիկէ Ս. Խաչ-Հարպոյեան Վարժարանի տնօրէութիւնը ձեռնարկած է Մարաշի ասեղնագործութեան դասընթացք մը:
Դասընթացք մը, որուն միջոցաւ այնքան գեղեցիկ ազգային ժառանգութիւն մը երէց սերունդի ներկայացուցիչէ մը կը փոխանցուի երիտասարդ սերունդին, առ ի յաւերժութիւն այս ինքնուրոյն արուեստին: Իսկ ո՞վ պիտի հովանաւորէր նման բան մը, եթէ ոչ տուեալ արուեստի բնօրրանին հայրենակցական միութիւնը առ ի կատարում իր գոյութիւնը արդարացնող առաքելութեան:
Շնորհաւորելի է նախաձեռնութիւնը: ԹՈՂ, ՈՐ ՎԱՐԱԿԻՉ ԸԼԼԱՅ ԱՆ:
«Զ.»
