Բելառուսում Հայաստանի Հանրապետության դեսպան Արմեն Ղևոնդյանը Վիտեբսկում մասնակցել է Մեծ հայրենական պատերազմում հաղթանակի 75-ամյակին նվիրված «Բելառուսը հիշում է. պատերազմի 75 ակնթարթները» լուսանկարչական ցուցահանդեսին:
«Արմենպրես»-ի փոխանցմամբ` Բելառուսի «Բելտա» լրատվական գործակալության կազմակերպած ցուցահանդեսի բացման արարողության ժամանակ Ղևոնդյանը նշել է, որ այսպիսի նախագծերը շատ կարևոր են:
«Այստեղ ներկայացված է կենդանի լուսանկարերի մի հավաքածու, որը ջնջում է 75 տարվա հեռավորության գիծը, և հնարավորություն տալիս ամբողջությամբ զգալ յուրաքանչյուր լուսանկարում առկա ուրախությունը, լինի դա փոքրիկ աղջկա ազատում, թե հետպատերազմական շրջան: Այսպիսի նախագծերը շատ կարևոր են: Դրանք ընդգծում են մեծ հաղթանակի նշանակությունը, որը լայնորեն նշվելու է Բելառուսում, Հայաստանում և մյուս երկրներում»,- նշել է դեսպանը:
