ՀՀ վարչապետ Նիկոլ Փաշինյանը 2020թ. առաջին կեսին նախատեսում է պաշտոնական այցով մեկնել Մոսկվա: «Արմենպրես»-ի փոխանցմամբ` այս մասին վարչապետն ասաց հունվարի 25-ին Կապանում հրավիրված մամուլի ասուլիսի ընթացքում:
«Վլադիմիր Պուտինի հետ բավական հաճախ ենք հանդիպում: Խոսքն ուղղակի հանդիպման մասին չէ: Նախորդ տարի Ռուսաստանի նախագահի հետ մենք ձեռք բերեցինք պայմանավորվածություն, որ մենք պաշտոնական փոխադարձ այցեր կկատարենք, և հիմա աշխատում ենք, որպեսզի տարվա առաջին կեսին ես պաշտոնական այց ունենամ Մոսկվա»,- ասաց Փաշինյանը:
Նիկոլ Փաշինյանը նշեց, որ հայ-ռուսական հարաբերությունների օրակարգը շատ հարուստ է, և այցի ընթացքում քննարկվելու է այդ օրակարգի ամենալայն սպեկտորը:
