Իրանը հրաժարվում Է «Ուկրաինայի միջազգային ավիաուղիների»՝ Թեհրանի մերձակայքում աղետի ենթարկված Boeing-737-800 ինքնաթիռի «սեւ արկղերը» արտադրողին հանձնել հետազոտությունների համար: Այդ մասին հայտնել Է Mehr իրանական լրատվական գործակալությունը, տեղեկացնում Է «Արմենպրես»-ը:
«Մենք «սեւ արկղը» չենք հանձնի արտադրողին ու ամերիկացիներին»,-հայտարարել Է Իրանի քաղաքացիական ավիացիայի կազմակերպության ղեկավար Ալի Աբեդզադեն, որի խոսքը մեջբերում Է լրատվամիջոցը: Նա ճշտել Է, որ դեռեւս չի ընտրվել այն երկիրը, որին ինքնագրիչները կհանձնեն վերծանման համար: Աբեդզադեն ընդգծել Է, որ վթարի պատճառը չի բացահայտվի , նախքան «սեւ արկղի» տվյալների վերլուծության ավարտվելը: Ավելի վաղ IRIB իրանական պետական հեռարձակողը հայտնել Է, որ ինքնաթիռի ընկնելու վայրում հայտնաբերվել են ուկրաինական ինքնաթիռի երկու «սեւ արկղերը»:
Մինչ այդ ԶԼՄ-ները, վկայակոչելով աղբյուրներ, հայտնել են, որ Boeing ընկերությունը տեղեկացվել Է օդանավի կործանման մասին, այն սկսել Է տեղեկատվություն հավաքել ողբերգության հանգամանքների վերաբերյալ, հաղորդել Է «Ինտերֆաքս»-ը:
