ՀՀ Վարչապետ Նիկոլ Փաշինեանը ֆէյսպուքեան իր էջին վրայ անդրադարձած է ազրպէյճանական կայքերու տարածած ապատեղեկատւութեան:
«1.Հայալեզու կեղծ (ֆեյք) էջը կեղծ լուր կը տարածէ, թէ ես ԱՄՆ նախագահ Տանըլտ Թրամփը շնորհաւորած եմ հակաիրանական «յաջող» գործողութիւն կազմակերպելու համար:
- Այս լուրը արագ կը յայտնուի ազրպէյճանական մամուլի մէջ եւ կը դառնայ օրուայ թրենտ:
- Ազրպէյճանական մամուլէն լուրը կը յայտնուի իրանական մամուլի մէջ եւ կը դառնայ որոշ ուժերու հակահայկական ներշնչանքի աղբիւր:
Սա այն դէպքն է, երբ խօսքի կեղծ «ազատութիւնը» սպառնալիք ստեղծած է մեր ազգային անվտանգութեան համար: Լուրի հեղինակները եւ անոնց շարժառիթները պէտք է պարզուին»:
