Օ՛Ն, Ոտքի Կանգնեցէ՛ք (Եալլա Ուաֆու)

Վերջերս լիբանանցի հռչակաւոր երգչուհի Հիպա Թաուաժի նոր երգով մը հանդէս եկաւ, որուն խօսքին հեղինակն է՝ Ղատի Ռահպանի, երաժշտութիւնը հիմնուած է Carol of the Bells աշխարհահռչակ երգին երաժշտութեան վրայ, որուն վերադասաւորումը ըրած է Ուսամա Ռահպանին: (վարը գտնել երգին վիտէոյին QR ծածկագիրը):

Այո կրօնական, սակայն նաեւ յեղափոխաշունչ երգ մը արդարեւ, որ ունկնդրողին պայքարի կը մղէ եւ համահունչ է ներկայի մեր ապրած իրավիճակին հետ:

Ներշնչուելով այս երգէն եւ Ս. Ծննդեան վերանորոգման մթնոլորտէն եկէք բոլորս.

Ոտքի կանգնինք. ժամանակն է Լիբանանի մէջ փոփոխութիւն բերելու:

Ոտքի կանգնինք. ժամանակն է փտածութեան դէմ պայքարելու:

Ոտքի կանգնինք. ժամանակն է մեր մարդկային եւ քաղաքացիական իրաւունքները վերականգնելու:

Ոտքի կանգնինք. ժամանակն է նոր եւ անկախ կառավարութիւն մը ունենալու:

Ոտքի կանգնինք. ժամանակն է կանխահաս խորհրդարանական ընտրութիւններու:

Ոտքի կանգնինք. Ժամանակն է մեզմէ գողցուած իրաւունքներուն վերատիրանալու:

Ոտքի կանգնինք. Ժամանակն է վերածնելու ինչպէս Քրիստոս ծնաւ:

Ոտքի կանգնինք. Քրիստոսի Ծննդեան ժամանակը կ՛ապրինք:

Ոտքի կանգնինք եւ ուրախ ըլլանք հակառակ ամէն անհեթեթութեանց եւ դժուարին օրերու:

Ոտքի կանգնինք. վառենք մեր մոմերը ու Աստծու աղօթենք:

Դիմաւորենք մեծ յեղափոխական, նոյն ժամանակ խաղաղութեան իշխան Յիսուս Քրիստոսի Ծնունդը:

Շնորհաւոր Նոր Տարի եւ Սուրբ Ծնունդ բոլորիս:

Լիբանանն ալ պիտի վերածնի ինչպէս Քրիստոս Ծնաւ Հալլելուա:

 Բնագիրը՝ անգլերէն

ԿՐԷԿ ՅԱԿՈԲԵԱՆ