Հակառակ լաւատեսութիւններու, ըստ երեւոյթին Լիբանանեան տարին պիտի փակուի այսօր առանց կառավարութեան:
Տիապի առջեւ շատ բան չկայ բացի կազմելէ միագոյն կառավարութիւն մը մինչ լիբանանեան քաղաքական կեանքի շարք մը քաղաքական կողմեր կը մերժեն կառավարութեան մաս կազմել:
Ամենահետաքրքրականը սակայն այն է, որ կառավարութիւնը կազմել փորձող կողմերը կարծէք կ՛ապրին այլ մոլորակի մը վրայ երբ տակաւին կը քննարկեն ձեւեր եւ միջոցներ, որոնք միշտ օգտագործուած էին յեղափոխութենէն առաջ սակայն այսօր կարելի չէ անտեսել ժողովրդային պահանջը, որ Տիպին ալ կը մերժէ եւ հաստատ կը մնայ իր պահանջին վրայ, որն է կառավարութիւն մը ունենալ, որուն անդամները անկախ են իրենց որոշումներուն մէջ եւ մաս չեն կազմած իշխող դասակարգին:
