Հարիւրաւոր բողոքարարներ երէկ հաւաքուեցան Լիբանանի Կեդրոնական Դրամատան եւ Դրամատուներու Միութեան շէնքին դիմաց բողոքելու անոնց որդեգրած քաղաքականութեան դէմ:
Բողոքարարները կոչ ուղղեցին ժողովուրդի չվաճառել իրենց պարտքերի եւ տուրքերը:
Միւս կողմէ «Ալ Քապաս» քուէյթեան պարբերականը յղում կատարած է լիբանանցի անուանի տնտեսագէտ Մարուան Իսքանտարին գրելով, որ լիբանանցի քաղաքական գործիչներ մեծ գումարներ դուրս հանած են երկրէն։ Իսքանտար նշած է, որ վերջին շաբաթներուն կարելիութիւնը ունեցած է խօսիլ Պէյրութ գտնուող զուիցերացի լրագրողի մը հետ եւ ան է, որ այդ տեղեկութիւնները հաղորդած է իրեն։ Ըստ տրուած տեղեկութիւններուն, 9 լիբանանցի քաղաքական յայտնի գործիչներ վերջին շրջանին մեծ գումարներ հանած են երկրէն եւ զանոնք փոխադրած են Զուիցերիա։ Նաեւ ըսած է, որ այդ գումարները կը գնահատուի 2 միլիառ ԱՄՆ տոլարով։ Յիշեցնենք, որ վերջին ամիսներուն եւ մէկէ աւելի առիթներով նման տեղեկութիւններ շրջանառութեան մէջ դրուած էին։
Այս ուղղութեամբ երէկ Կեդրոնական Դրամատան Կառավարիչ՝ Ռիատ Սալամէ լրագրողներուն հետ զրուցելով յայտնեց, թէ այս մասին քննութիւններ պիտի բացուին յայտնաբերելու իրականութիւնը:
